1) بىرنەشە جىل بۇرىن ۋكراينادا ستەپان باندەرا مەن شۋشكەۆيچتەرگە ەسكەرتكىش ورناتىلدى. ماسكەۋ: "فاشيستەردى دارىپتەپ جاتىرسىڭدار، سەندەرگە نە كەرەك ەكەنىن ءبىز بىلەمىز، ۇلتتىق يدەولوگيانى ءبىز جاساپ بەرەمىز" دەپ ءتيىستى، ايقاي كوتەردى. ودان بۇرىن بالتىق جاعالاۋى ەلدەرى 2 دۇنيەجۇزىلىك سوعىستا ورىس اسكەرىنە قويىلعان ەسكەرتكىشتى قيراتقاندا تۇگەلىمەن "فاشيست" اتاندى. الەمدە كىمنىڭ كىم ەكەنىنە سولار باعا بەرەتىندەي. 20 جىل بۇرىن ءوز ەلىن قورعاپ سوعىسقان ءشامىل، اسلان، جوحارلار چەچەن ەلىندەگى مەكتەپتەردە ءدال قازىر "تەرروريست، ۇلتشىل، فاشيست" رەتىندە وقىتىلىپ جاتىر. كەيىن گرۋزياعا ءتيىستى. تىزە بەرسەڭ كوپ. ايتا بەرسەڭ سۇمدىق.

2) كوكتەمدە قازاعى قالىڭ قىزىل-وردادا مۇستافا شوقايعا ەسكەرتكىش ورناتىلدى. قازاقستاندا ءبىراز سايتتار "باندەرا سياقتى" دەپ شۋلاعانى بولماسا ەسكەرتكىشكە تيمەدى. ول سايتتاردىڭ دا ماسكەۋدەن قورەكتەنەتىنى بەلگىلى. ماسكەۋدەگى كۋتۋزوۆ، سۋۆوروۆ، يۆان گروزنىي سياقتى جەندەتتەردىڭ ەسكەرتكىشتەرىنە ەشكىم "فاشيست" دەپ يارلىك تاعىپ جاتقان جوق. مەيلى ول باسقا اڭگىمە. ءبىر قىزىعى جاقىندا عانا شەكاراعا جاقىن اقتوبەدەگى 5 قاباتتى عيماراتتىڭ قابىرعاسىنا سالىنعان شوقاي سۋرەتى ارتىنشا ءوشىرىلىپتى. ماسكەۋ بىردەڭە دەدى مە؟ الدە دەمەي جاتىپ ءوشىردى مە؟ الدە جاعداي مۇلدە باسقاشا ما؟ سۋرەتتى سالعان كىمدەر؟ وشىرتكەن كىم؟ ءاليحاننىڭ سۋرەتى سالىنعاندا قانداي بولار ەدى؟

ءاليحان "قازاق ۇلتتىق مەملەكەتىن قۇرامىن" دەسە مۇستافا سول كەزدەگى ءبىر پىكىرلەرمەن "تۇركىستانشىل" بولدى. 1 دۇنيەجۇزىلىك سوعىس تۇسىندا رەسەيدى تۇقىرتىپ قۇرتۋ ءۇشىن جانە رەسەيدى سوعىستان شىعارىپ جىبەرۋ ءۇشىن رەسەيگە لەنيندى جىبەرىپ توڭكەرىس جاساۋ جانە "پانتيۋركيزم" يدەيالارىن تىقپالاعان دا نەمىس يدەولوگتارى ەكەنى راس. الاش ارىستارىنىڭ 90 پايىز الاش ۇكىمەتى جاعىندا بولعانى تاعى راس. سەبەبى الاش ۇكىمەتى قازاق جەرىندە، قوقان-تۇركىستان ۇكىمەتى قوقان، حيۋا، بۇحارا حاندىقتارىنىڭ ورنىندا قۇرىلدى. شوقاي يدەياسىنا قازىرگى كوزقاراسپەن قاراساڭ ءتىپتى باسقا، ءتىپتى بولەك ۇزاق اڭگىمە. ەكونوميكالىق ينتەگراتسيالىق تۇستارى كوڭىلگە قونىمدى.

3) دەگەنمەن مۇستافا شوقاي قازاق دالاسى مەن ورتا ازيا تاۋەلسىزدىگى ءۇشىن كۇرەسكەن تۇلعا ەدى عوي. تاعى دا وسى كۇندەرى بىرەۋلەر الاش ورداشىلاردى اسىرەسە ءاليحاندى "يمانشىل" بىرەۋلەر "پانتيۋركيزمشىل" ەتىپ كورسەتكىسى كەلىپ جۇرگەن كەزدەردەگى كىشكەنە ويىم دەپ بىلگەيسىزدەر!

نۇرات ءىلياس

Facebook-تەگى پاراقشاسىنان