جۇما, 19 شىلدە 2024
دەپ جاتىر 7611 3 پىكىر 13 ماۋسىم, 2017 ساعات 07:43

ەركەكتىڭ "ينسترۋمەنتىن" ەمەس، قۋات كوزدەرى ينسترۋمەنتىن جازىڭدار

ەحرو باستالعالى ءبىزدىڭ جۋرناليستەر جازىپ جاتىر-اق. بىراق كورمە كوتەرگەن تاقىرىپتا ەمەس، كوبى بوستەكى اڭگىمەلەر. كورمە ورنالاسقان عيماراتتىڭ جىلتىراعى، وتشاشۋلار، كانسەرت-مانسەرتتەر، مادەني شارالار، كورمەدەن تۇسەتىن اقشالاي پايدالار، افريكادان با ەكەن، سونداي ىستىق جەردەن كەلگەن ادامداردىڭ استانادا «ينسترۋمەنتىن» عانا جاۋىپ، قالعان جەرى جالاڭاش جۇرگەنى، وبلىستاردان، شەتەلدەن قانشا ادام كەلدى ت.ب.

مەن ءبىزدىڭ جۋرناليستەردىڭ ناقتى تاقىرىپ اياسىندا اقپارات جازعاندارىن قالار ەدىم. ناقتى تاقىرىپ – قۋات كوزدەرى تۋرالى عوي. قاي مەملەكەت قانداي قۋات كوزىن ۇسىنادى، ونى ءبىزدىڭ ەلدە پايدالانۋعا بولا ما، ونىڭ ارتىقشىلىقتارى مەن كەمشىلىكتەرى جانە ت.ب.

ءبىزدىڭ قازاقستان بۇل سالادا نە ىستەپ جاتىر ەكەن؟ عالىمدار مەن تاپقىرلاردىڭ ۇسىنىستارى قانداي؟ كورمەنىڭ ماقساتى دا سول عوي. الدە، قۇر داۋرىقپا، ات شىعارۋ ما؟ حح عاسىر باسىندا ما ەكەن، ورىستىڭ عىلىمي ەكسپەديتسياسى ماڭعىستاۋ جەرىن تالاي زەرتتەگەن. مۇناي ت.ب. قازبا بايلىقتارىن ىزدەگەن. سوندا ءبىر عالىم (اتىن ۇمىتىپ تۇرمىن) سول جەردەگى قۋات كوزدەرىن ەسەپتەپتى. ول جەردە ۋران، كومىر جانە ارينە مۇناي-گاز بار. قۋات كوزىنە جىل ون ەكى اي ءبىر تىنباي ازىنايتىن دا تۇراتىن جەلدى دە قوسادى. سوندا ەڭ كوپ دەگەن مۇناي جەلمەن سالىستىرعاندا ءجىپ ەسە المايدى ەكەن. جەل 100 پروتس بولسا، مۇناي 1-10 پروتس شاماسىندا.

انا جىلى "انا ءتىلى" گازەتىندە جۇرگەنىمدە "قىزىلوردانىڭ جەلى – قىزىلوردانىڭ بايلىعى" دەگەن ماقالا جازىپ ەدىم. سوندا ءبىر توقتامايتىن جەلدى ەلەكتر قۋاتىنا اينالدىرۋدى ايتقانمىن. قۋاتتىڭ ءبىزدىڭ ەلدە ودان باسقا دا كوزدەرى جەتىپ ارتىلادى. بىراق سوعان ءالى كۇنگە دەيىن ەشكىم مويىن بۇرماپ ەدى، ەندى مىناۋ كورمە سول ولقىلىقتى تولتىرا السا جاقسى بولار ەدى. سوندىقتان جىلتىراق زالداردا تۇسكەن سۋرەتتەر ەمەس، وقىرمانعا ناقتى تاقىرىپ توڭىرەگىندەگى اقپاراتتار كەرەك. سەزىم-مەزىم دەگەندى بىلاي ىسىرىپ تاستاپ، كورمە تاقىرىبىنا مويىن بۇرعان ءجون.

نۇرلىبەك سافين

Abai.kz

3 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1300
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2039
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2084