سارسەنبى, 5 قازان 2022
4055 6 پىكىر 29 ماۋسىم, 2017 ساعات 09:17

لاۆروۆ: پۋتين مەن ترامپ گامبۋرگتە كەزدەسەدى

رەسەي جانە اقش پرەزيدەنتتەرى ۆلاديمير پۋتين مەن دونالد ترامپ گامبۋرگتە "ۇلكەن جيىرمالىق" ءسامميتى اياسىندا كەزدەسەدى - ماسكەۋدىڭ جوسپارى وسىنداي. بۇل تۋرالى رەسەيدىڭ سىرتقى ىستەر ءمينيسترى سەرگەي لاۆروۆ مالىمدەدى.

لاۆروۆتىڭ پىكىرىنشە، "ۆاشينگتونداعى رۋسوفوبيا" رەسەي مەن اقش-تىڭ الەمدىك ماڭىزدى ماسەلەلەردى بىرگە شەشۋىنە كەدەرگى كەلتىرىپ وتىر.

26 ماۋسىمدا رەسەي پرەزيدەنتىنىڭ ءباسپاسوز حاتشىسى ديميتري پەسكوۆ 7-8 ماۋسىمدا پۋتين مەن ترامپ گامبۋرگتە كەزدەسۋى مۇمكىن ەكەندىگىن جوققا شىعارمادى. ويتكەنى ولار ء"بىر ۋاقىتتا ءبىر قالادا، ءبىر شارادا بولادى" دەدى ول. بىراق كەزدەسۋ فورماتى قانداي بولاتىنى ازىرگە بەلگىسىز.

ءبىر اپتا بۇرىن كرەمل ءسىم باسشىسىنىڭ ورىنباسارى سەرگەي ريابكوۆتىڭ اقش مەملەكەتتىك حاتشىسىنىڭ ورىنباسارى توماس شەننونمەن كەزدەسۋىن بولدىرماي قويدى. وسى ارەكەتى ارقىلى رەسەي امەريكالىق سانكتسيالارعا جاۋاپ بەردى.

Abai.kz

6 پىكىر