اتاباەۆتىڭ اتا جاۋى كىمدەر؟
بۇگىنگى باق وكىلدەرىنىڭ جاس بۋىنى «قازاق جۋرناليستەرىنىڭ كلۋبىن» قۇرىپتى دەگەندى انەۋگۇنى ەستىگەنبىز. ءجون ەكەن. ەندى مىنە، جاڭا كلۋبتىڭ العاشقى قوناعىنىڭ دا قازاق جۋرناليستەرىنە جاساعان «كادەسىن» كورىپ وتىرمىز. الگى قوناقتىڭ اۋەلى ءسوزى جەتتى. «قازاق جۋرناليستەرىن جەك كورەمىن!» دەپتى ول. تانىسىپ قويىڭىز، بۇل ءسوزدىڭ باس يەسى - بولات اتاباەۆ (سۋرەتتە). ءسويتىپ، الگى جەردە «نە جازدىق» دەپ شىرىلداعان جاس جۋرناليستەرگە قازاق جۋرناليستەرىنىڭ كاسىبي دەڭگەيى تومەن، تەرەڭ تالداۋ جاساي المايدى دەپ جاۋاپ قايتارىپتى كلۋبتىڭ العاشقى قوناعى. ايتقىشتىعىمەن بەلگىلى اتاباەۆتىڭ اۋزىنا قاراعان جاپ-جاس جۋرناليستەر العاشىندا تىپىرلاعانمەن، كەيىن «دەڭگەيىمىز ءوسۋ ءۇشىن مۇنداي پىكىرلەردىڭ ايتىلعانى ءجون» دەسىپتى. قايتسىن ەندى، الدارىندا ارقىراپ اتاباەۆ وتىرسا.
قازاق جۋرناليستەرىنە دەگەن «ماحابباتىن» وسىلايشا جەتكىزگەن اتاباەۆتىڭ وپپوزيتسيالىق اۋزىنا شىنتۋايتىنا كەلگەندە، اق يت كىرسە دە، كوك يت شىقپاۋى كەرەك ەدى. ارينە، اتاباەۆتى ادام قىلعان قازاق جۋرناليستيكاسى ەمەس، بىراق ونىڭ ەسىمىن ەل بىلەتىن ونەر ادامى بولۋىنا قازاق ءباسپاسوزىنىڭ وكىلدەرى دە بارىن سالىپ باقتى ەمەس پە؟ ول شىندىقتى بولات مىرزانىڭ وزى دە جوققا شىعارماس. الدە «سۋدان وتكەنشە قىزىڭدى الايىن، سۋدان وتكەن سوڭ قىزىڭدى ۇرايىن» بولىپ تۇر ما؟!
بۇگىنگى باق وكىلدەرىنىڭ جاس بۋىنى «قازاق جۋرناليستەرىنىڭ كلۋبىن» قۇرىپتى دەگەندى انەۋگۇنى ەستىگەنبىز. ءجون ەكەن. ەندى مىنە، جاڭا كلۋبتىڭ العاشقى قوناعىنىڭ دا قازاق جۋرناليستەرىنە جاساعان «كادەسىن» كورىپ وتىرمىز. الگى قوناقتىڭ اۋەلى ءسوزى جەتتى. «قازاق جۋرناليستەرىن جەك كورەمىن!» دەپتى ول. تانىسىپ قويىڭىز، بۇل ءسوزدىڭ باس يەسى - بولات اتاباەۆ (سۋرەتتە). ءسويتىپ، الگى جەردە «نە جازدىق» دەپ شىرىلداعان جاس جۋرناليستەرگە قازاق جۋرناليستەرىنىڭ كاسىبي دەڭگەيى تومەن، تەرەڭ تالداۋ جاساي المايدى دەپ جاۋاپ قايتارىپتى كلۋبتىڭ العاشقى قوناعى. ايتقىشتىعىمەن بەلگىلى اتاباەۆتىڭ اۋزىنا قاراعان جاپ-جاس جۋرناليستەر العاشىندا تىپىرلاعانمەن، كەيىن «دەڭگەيىمىز ءوسۋ ءۇشىن مۇنداي پىكىرلەردىڭ ايتىلعانى ءجون» دەسىپتى. قايتسىن ەندى، الدارىندا ارقىراپ اتاباەۆ وتىرسا.
قازاق جۋرناليستەرىنە دەگەن «ماحابباتىن» وسىلايشا جەتكىزگەن اتاباەۆتىڭ وپپوزيتسيالىق اۋزىنا شىنتۋايتىنا كەلگەندە، اق يت كىرسە دە، كوك يت شىقپاۋى كەرەك ەدى. ارينە، اتاباەۆتى ادام قىلعان قازاق جۋرناليستيكاسى ەمەس، بىراق ونىڭ ەسىمىن ەل بىلەتىن ونەر ادامى بولۋىنا قازاق ءباسپاسوزىنىڭ وكىلدەرى دە بارىن سالىپ باقتى ەمەس پە؟ ول شىندىقتى بولات مىرزانىڭ وزى دە جوققا شىعارماس. الدە «سۋدان وتكەنشە قىزىڭدى الايىن، سۋدان وتكەن سوڭ قىزىڭدى ۇرايىن» بولىپ تۇر ما؟!
وتكەندە پرەزيدەنتتىك سايلاۋعا تۇسەمىن دەپ مالىمدەمە جاساعان ۆلاديمير كوزلوۆتىڭ جيىندارىنا دا اتاباەۆتىڭ بەلسەندىلىك تانىتىپ، بەل شەشە كىرىسىپ كەتكەنىن جۇرت بىلەدى. «سىنىقتان باسقانىڭ ءبارى جۇعادى» دەگەندەي، بالكىم بولات اعامىز سول جاققا بارعىشتاپ ءجۇرىپ، كوممۋنيستەر مەن قازاق ءتىلىن ءومىر بويى ۇيرەنگىسى كەلەتىندەردەن? ءبىر نارسە جۇقتىرىپ الدى ما ەكەن؟! ايتپەسە، «اقساراي» دەگەن تەاتر اشىپ، ءار نارسەنىڭ جاڭا قىرىن ىزدەپ جۇرەتىن رەجيسسەر مىرزانىڭ قۇلاعىنان ۇركەتىن مىنەزى جوق سياقتى ەدى... بالكىم، اتاباەۆ تۋعان حالقىنىڭ كوزىن، قۇلاعىن ءھام ءتىلىن قورسىناتىن شىعار. ايتپەسە، اتاباەۆتاي قازاقتى اسپانداتپاسا، اۋىر ءسوز ايتىپ كورمەگەن الاش باسپاسوزىنە «جەك كورەمىن» دەپ جەكيتىندەي وعان نە كورىنىپتى؟!
ايتپاقشى، اتاباەۆ مىرزا، ءسىز جەك كورەتىن قازاق جۋرناليستەرى احمەت پەن مىرجاقىپتان باستاپ ساناعاندا سانسىز بۋىن ەكەنىن ەسكەرسەك، بۇل ءسوزىڭىزدىڭ ءزىلى باتپانداپ جاتقانىن سەزەتىن شىعارسىز.
قازاق جۋرناليستەرىن اتاباەۆتىڭ جەك كورەتىندە ءجونى بار. ويتكەنى، قازاق ءباسپاسوزىنىڭ وكىلدەرى اتاباەۆتىڭ «اقسارايىنا» اقشا قۇيعان مۇحتار ءابليازوۆ تۋرالى ءبىر دە ءبىر رەت وڭدى پىكىر ايتقان ەمەس.
قازاق جۋرناليستەرىن اتاباەۆتىڭ جەك كورەتىندە ءجونى بار. ويتكەنى، قازاق ءباسپاسوزىنىڭ وكىلدەرى ءبارىن ۇلتتىق قۇندىلىقتارمەن، ۇلت مۇددەسىمەن ولشەيدى. ال ءبىزدىڭ بەك قۇرمەتتى رەجيسسەرىمىز ءبىر سۇحباتىندا «مەن وسى ۇلتتىق مۇددە دەگەندى تۇسىنبەيمىن» دەگەن بولاتىن
«اباي-اقپارات»
