ەقىۇ-نىڭ تورىنە ءتورت «ت»-نى  ( "تراست" (سەنىم), "تراديشن" ء(داستۇر), "ترانسپارەنسي" (اشىقتىق) ي "تولەرانس" (توزىمدىلىك), سۇيرەپ بارعان قازاق بيلىگى بالقان تۇبەگىنە  سىعانداردى قونىستاندىرىپ، اۋعانىستاندى قايتا قۇرىپ،  سايابىر تاۋىپ تۇرعان  تىنىشتىقتى تۇراقتى ەتۋدى مىندەتىنە العان بولاتىن.

اۋعان جەرىنە ايالداي قالعان بۇگىنگى بەيبىت ءومىردىڭ ماڭگىلىككە ۇلاسارىنا  وزگەنى قايدام، ەقىۇ-عا توراعا بولعالى رەسمي استانا بەك سەنىمدى. ۇستىمىزدەگى جىلدىڭ ماۋسىم ايىندا قابىل (كابۋل) قالاسىنا بارعان مەملەكەتتىك حاتشى - سىرتقى ىستەر ءمينيسترى، ەقىۇ - نىڭ ءىس باسىنداعى توراعاسى قانات   «اۋعانستانعا ەندى ينجەنەرلەر، دارىگەرلەر كەرەك» دەپ قايتقان بولاتىن.

ەقىۇ-نىڭ تورىنە ءتورت «ت»-نى  ( "تراست" (سەنىم), "تراديشن" ء(داستۇر), "ترانسپارەنسي" (اشىقتىق) ي "تولەرانس" (توزىمدىلىك), سۇيرەپ بارعان قازاق بيلىگى بالقان تۇبەگىنە  سىعانداردى قونىستاندىرىپ، اۋعانىستاندى قايتا قۇرىپ،  سايابىر تاۋىپ تۇرعان  تىنىشتىقتى تۇراقتى ەتۋدى مىندەتىنە العان بولاتىن.

اۋعان جەرىنە ايالداي قالعان بۇگىنگى بەيبىت ءومىردىڭ ماڭگىلىككە ۇلاسارىنا  وزگەنى قايدام، ەقىۇ-عا توراعا بولعالى رەسمي استانا بەك سەنىمدى. ۇستىمىزدەگى جىلدىڭ ماۋسىم ايىندا قابىل (كابۋل) قالاسىنا بارعان مەملەكەتتىك حاتشى - سىرتقى ىستەر ءمينيسترى، ەقىۇ - نىڭ ءىس باسىنداعى توراعاسى قانات   «اۋعانستانعا ەندى ينجەنەرلەر، دارىگەرلەر كەرەك» دەپ قايتقان بولاتىن.

سالى ۇرىپ ەلگە ساۋداباەۆ كەلىسىمەن   قازاقستان تارابىنىڭ  2010-2014 جىلدار ارالىعىندا جىل سايىن اۋعانستان يسلام رەسپۋبليكاسى ازاماتتارىنىڭ قاتارىنان 200 ادامدى، ونىڭ ىشىندە 140-ىن جوعارعى وقۋ ورىندارىنا،  60-ىن تەحنيكالىق جانە كاسىپتىك ءبىلىم بەرۋ ۇيىمدارىنا وقۋعا قابىلدايتىنى امبەگە ايان بولدى.  قازىر اۋعان جاستارىنىڭ الدى س. اسفەندياروۆ اتىنداعى مەداكدەميادا وقىپ جاتىر.  قاراسى جۇزدەن اسادى. ەلۋ اۋعاندىق جاس قازمۇۋ-دىڭ ونىنشى جاتاقحاناسىندا تۇرىپ وقيدى. ولاردىڭ شاكىرت اقىسى قازاقستاندىق ستۋدەنتتەردەن ەكى ەسە ارتىق. جاتاقحانا تەگىن. جالپى اۋعاندىق  ستۋدەنتتەردىڭ قازاقستاندا ءبىلىم الۋىنا مەملەكەت قازىناسىنان ەلۋ ميلليون دوللار كولەمىندە قاراجات ءبولىنىپ تە قويعانى بەلگىلى.  تاياۋ بولاشاقتا الاساپىراندى اۋعان جەرىنەن كەلىپ  ءبىلىم الۋشىلاردىڭ جالپى سانى ەلىمىزدە ءبىر مىڭ ادامدى قۇرايدى ەكەن. ەسەسىنە، اتاجۇرتىندا  جوعارى ءبىلىم الۋدان ۇمىتكەر جاستاردىڭ سانى ازايىپ بارا جاتقان كورىنەدى. ماسەلەن، قىتايدان 2006 جىلى قازاقتىڭ مىڭنان اسا ۇل- قىزى وقۋعا تالاپ بىلدىرسە، 2009 جىلى ولاردىڭ بارى ءۇش جۇزدەن اسپاي قالعان.  اتى-ءجونىنىن كورسەتپەۋدى وتىنگەن ءبىر ورالمان ستۋدەنت  ەلگە كەلىپ وقۋعا ىنتالى جاستاردىڭ سانى اۋعان جاستارىنا بولىنگەن «كۆوتانىڭ» ەسەبىنەن قىسقارعانىن ايتادى. سوندا دەيمىز-اۋ، اۋعان جۇرتىنا ينجەنەرلەر، دارىگەرلەر كەرەك دەپ، ءوز ۇلاندارىمىزدى وگەيسىتكەنەن نە ۇتامىز؟ قاي قيىرعا شىعامىز؟!.

ورالمان ستۋدەنتتەردىڭ ەلدەن الىستاي باستاۋىنا تاعى ءبىر سەبەپ -  ولار جوعارعى وقۋ ورىنىن تامامداعان سوڭ قىزمەت تاپپاي، اۋىرە-سارساڭعا ءتۇسىپ تۋىپ وسكەن جەرىنە، اۋىلىنا قايتادى. اۋىلىنا قايتىپ بارعان سوڭ ونداعى جۇرتتىڭ ويى «بالامىزدى قازاقستانعا جىبەرگەننەن پايدا شامالى ەكەن. نە اندا جوق، نە مىندا جوققا» سايادى. ءسويتىپ اتا-انا: «شىراعىم، باستى اۋىرتپاي حانزۋشا ءبىلىم ال، سول دۇرىس»، -  دەگەن شەشىم قابىلدايدى.  وسىلايشا، قارقىندى باستالعان قازاق كوشى دە،  كوك بايراقتى بابا مەكەنگە اسىققان جاستاردىڭ تالاپ تىلەگى دە  توقىراۋعا ۇرىنعان سىڭايلى.

ايتپاقشى، اۋعان جاستارى الماتىدان  قابىل قالاسىنا قاندايدا ءبىر ۇقساستىقتار ىزدەيتىن كورىنەدى. و، توبا، ولار سوندا قانداي ۇقساستىقتار  ىزدەپ ءجۇر؟..

«اباي-اقپارات»