2009 جىلدىڭ باسىندا وتكەن جالپىۇلتتىق حالىق ساناعىنىڭ تولىق قورتىندىسى جاقىن كۇندەرى جاريا بولماق. مۇنى ستاتيستيكا اگەنتتىگىنىڭ جالپىۇلتتىق ساناقتان كەيىنگى جاڭا باسشىسى ءاليحان سمايلوۆ مالىمدەدى. اسىعا كۇتۋدەمىز!

2009 جىلى ساناق وتىسىمەن بەلگىلى بولعان الدىن-الا قورتىندى بويىنشا، قازاق حالقىنىڭ سانى الدىمەن 67 پايىزدى قۇراپ، ارتىنان 63,1%-گە دەيىن اشتىق پەن سوعىسسىز-اق قۇلدىراعان بولاتىن.  الايدا، كوك مويىنوراۋىش پەن كوك سومكە اسىنعان ساناقشىنى كورمەدىك، كەلمەدى دەگەن قانداستارىمىزدىڭ دا ءۇن قاتقانى ياعني ساناققا كىرمەي قالعان قازاقتار دا بار ەكەنى باق-ى ارقىلى ايداي بولعان ەدى. وعان ستاتيستيكا اگەنتتىگى بىلق ەتكەن جوق.

جالپى، مەملەكەتتىك ماڭىزى بار ءىس بولىپ سانالاتىن ساناق اياقتالىسىمەن وعان بولىنگەن قارجىنىڭ ۇلكەن بولىگى قولدى بولعانى انىقتالىپ، «ويباي، ۇستاڭدار» دەگەن بۇيرىق ءتۇسىپ بولعانشا، سول كەزدەگى ستاتيستيكا اگەنتتىگىنىڭ ءتورايىمى انار مەشىنباەۆا حانىم جىلى ورنىن سيپاتىپ كەتتى. كەيىن «ساناق ءىسى» دەگەن اتاۋمەن ايگىلى بولعان قىلمىستىق ءىس بويىنشا، كاسىپكەر سەرىك تۇرجانوۆ پەن اگەنتتىك ءتورايىمىنىڭ ورىنباسارلارى سوتتالىپ كەتە باردى. مەشىنباەۆادان الگى كۇنگە تىرس ەتكەن مالىمەت جوق. سودان كەيىن ساناق جايلى جۇرت ۇمىتا باستاپ ەدى، مىنە، ەندى تاعى ەلەڭدەپ وتىرمىز.

2009 جىلدىڭ باسىندا وتكەن جالپىۇلتتىق حالىق ساناعىنىڭ تولىق قورتىندىسى جاقىن كۇندەرى جاريا بولماق. مۇنى ستاتيستيكا اگەنتتىگىنىڭ جالپىۇلتتىق ساناقتان كەيىنگى جاڭا باسشىسى ءاليحان سمايلوۆ مالىمدەدى. اسىعا كۇتۋدەمىز!

2009 جىلى ساناق وتىسىمەن بەلگىلى بولعان الدىن-الا قورتىندى بويىنشا، قازاق حالقىنىڭ سانى الدىمەن 67 پايىزدى قۇراپ، ارتىنان 63,1%-گە دەيىن اشتىق پەن سوعىسسىز-اق قۇلدىراعان بولاتىن.  الايدا، كوك مويىنوراۋىش پەن كوك سومكە اسىنعان ساناقشىنى كورمەدىك، كەلمەدى دەگەن قانداستارىمىزدىڭ دا ءۇن قاتقانى ياعني ساناققا كىرمەي قالعان قازاقتار دا بار ەكەنى باق-ى ارقىلى ايداي بولعان ەدى. وعان ستاتيستيكا اگەنتتىگى بىلق ەتكەن جوق.

جالپى، مەملەكەتتىك ماڭىزى بار ءىس بولىپ سانالاتىن ساناق اياقتالىسىمەن وعان بولىنگەن قارجىنىڭ ۇلكەن بولىگى قولدى بولعانى انىقتالىپ، «ويباي، ۇستاڭدار» دەگەن بۇيرىق ءتۇسىپ بولعانشا، سول كەزدەگى ستاتيستيكا اگەنتتىگىنىڭ ءتورايىمى انار مەشىنباەۆا حانىم جىلى ورنىن سيپاتىپ كەتتى. كەيىن «ساناق ءىسى» دەگەن اتاۋمەن ايگىلى بولعان قىلمىستىق ءىس بويىنشا، كاسىپكەر سەرىك تۇرجانوۆ پەن اگەنتتىك ءتورايىمىنىڭ ورىنباسارلارى سوتتالىپ كەتە باردى. مەشىنباەۆادان الگى كۇنگە تىرس ەتكەن مالىمەت جوق. سودان كەيىن ساناق جايلى جۇرت ۇمىتا باستاپ ەدى، مىنە، ەندى تاعى ەلەڭدەپ وتىرمىز.

ساناق اياقتالا سالىسىمەن ەل ىشىندە «قازاقتىڭ سانى جەتپىس پايىزدى قۇراپتى» دەگەن ءسوز جەلدەي ەسكەن ەدى. جۇرت مارقايىپ، «ە، باسە» دەپ ءبىر ىرعالىپ قالىپ ەدى. بىراق، ساناقتىڭ الدىن-الا قورتىندىسى شىققان كەزدە مارقايعان كوڭىل سۋ سەپكەندەي باسىلعان. سودان بولسا، كەرەك ساناقتىڭ قورتىندىسى دەگەننەن زاتتە بولىپ قالعان سياقتىمىز. وسى جولعى تولىق قورتىندىدا قازاقتىڭ ەسەبى قالاي بولار ەكەن دەپ قىلپىلداپ وتىرعان جايىمىز بار. وعان سەبەپ تە جوق ەمەس. كوپۇلتقا كوڭىلى كەتكەن ءبىزدىڭ بيلىك تۋعان ەلىنىڭ ەسەسىن دە، ەسەبىن دە ءوز پايداسىنا شەشە سالۋدان تايىنبايتىنىنا بۇل كۇندە كوز جەتتى.

ايتپاقشى، تەحنولوگياسى دامىعان عاسىردا ستاتيستيكالىق اگەنتتىكتىڭ قولعا تۇسكەن دەرەگىن ەكى جىلعا جۋىق ۋاقىت ەسەپتەگەنى ءبىرتۇرلى ەكەن... 2009 جىلدىڭ باسىندا 63,1 پايىز بولعان قازاق قازىر 65 پايىزدى ەڭسەرىپ-اق، تاستاعان شىعار. ساناق قورتىندىسى قاعازعا ءتۇسىپ، ەلگە جەتىپ بولعانشا جەتپىسكە جەتىپ جىمىڭداپ وتىرارمىز دەگەن ءۇمىت بار.

«اباي-اقپارات»