... ماليبۋ
... ماليبۋ. تەرريتوريالىق بولىنىستە اقش-تىڭ لوس-انجەلەس وكرۋگىنا قارايتىن، ال جاعراپيالىق جاعىنان تىنىق مۇحيتتىڭ تاماشا جاعالاۋىنا ۇمسىنا جايعاسقان اتاقتى «پلياجدىڭ» اتاعىن ەندى قازاق اۋىلى اسقاقتاتا تۇسپەك. قالاي دەسەڭىز، مۇندا قازاقتىڭ كوشپەلى مادەنيەتىمەن تانىستىراتىن "Kazakh Land" اتتى ەتنيكالىق ساياباق ءبىرازدان بەرى امەريكالىق اعايىننىڭ قىزىعىنا اينالىپتى. كيىز ءۇيدىڭ ىشىندە مالداس قۇرىپ، ساۋمالدى ساپىرىپ-ساپىرىپ ىشەدى. ساياباق ىشىندە اتپەن سەرۋەندەيدى. قۇسبەگىلەر، قازاقشا كۇرەستىڭ مايتالماندارىن، قولونەر شەبەرلەرىن، ءبارىن-ءبارىن - ماليبۋدەن تابادى ەكەنسىز-مىس.تىپتەن، كليەنت قالاپ تۇرسا، وزىنە ۇناعان جەردەن ءبىر-ەكى ساعاتتا كيىز ءۇيىن قۇرىپ بەرەدى. «بەسبارماق» ءدامحاناسىندا تەك قازاقتىڭ عانا ەمەس، وزبەكتىڭ، ۇيعىردىڭ، ورىستىڭ ءداستۇرلى اسحاناسىنان ءدام تاتا الاسىز دەيدى. كاسپيدىڭ قارا ۋىلدىرىعىن قارا نانعا جاعىپ جەپ، قالاساڭىز مۇزدان قۇيىلعان بوكالدان اراق ىشەدى ەكەن. اراقتىڭ قازاقتىڭ اس مازىرىنە قالاي ءتۇسىپ كەتكەنىن بىلمەدىك، بىراق ەكسكليۋزيۆتىڭ ءبىرى وسى... ايتەۋىر، بۇرىن-سوڭدى كورمەگەن ەكزوتيكاعا شەتەلدىكتەر شىبىنداي ۇيمەلەپ جاتسا كەرەك. اندجەلينا دجولي دا وسى ساياباقتا بولىپ، كيىز تەكەمەتتە اۋناپ، دومبىرا شەرتىپتى دەگەن وسەك جەلدەي ەسىپ ءجۇر. بىراق... بىراقسىز اڭگىمە بولا ما؟ بىرنەشە سايت جاريالاپ جىبەرگەن مىنا سۋرەتتەردەگى پەيزاج ماليبۋدىڭ كەلبەتىنە كەلمەيدى-اۋ، كەلمەيدى. وندا قايداعى قاراعاي، قايداعى سامىرسىن؟
... ماليبۋ. تەرريتوريالىق بولىنىستە اقش-تىڭ لوس-انجەلەس وكرۋگىنا قارايتىن، ال جاعراپيالىق جاعىنان تىنىق مۇحيتتىڭ تاماشا جاعالاۋىنا ۇمسىنا جايعاسقان اتاقتى «پلياجدىڭ» اتاعىن ەندى قازاق اۋىلى اسقاقتاتا تۇسپەك. قالاي دەسەڭىز، مۇندا قازاقتىڭ كوشپەلى مادەنيەتىمەن تانىستىراتىن "Kazakh Land" اتتى ەتنيكالىق ساياباق ءبىرازدان بەرى امەريكالىق اعايىننىڭ قىزىعىنا اينالىپتى. كيىز ءۇيدىڭ ىشىندە مالداس قۇرىپ، ساۋمالدى ساپىرىپ-ساپىرىپ ىشەدى. ساياباق ىشىندە اتپەن سەرۋەندەيدى. قۇسبەگىلەر، قازاقشا كۇرەستىڭ مايتالماندارىن، قولونەر شەبەرلەرىن، ءبارىن-ءبارىن - ماليبۋدەن تابادى ەكەنسىز-مىس.تىپتەن، كليەنت قالاپ تۇرسا، وزىنە ۇناعان جەردەن ءبىر-ەكى ساعاتتا كيىز ءۇيىن قۇرىپ بەرەدى. «بەسبارماق» ءدامحاناسىندا تەك قازاقتىڭ عانا ەمەس، وزبەكتىڭ، ۇيعىردىڭ، ورىستىڭ ءداستۇرلى اسحاناسىنان ءدام تاتا الاسىز دەيدى. كاسپيدىڭ قارا ۋىلدىرىعىن قارا نانعا جاعىپ جەپ، قالاساڭىز مۇزدان قۇيىلعان بوكالدان اراق ىشەدى ەكەن. اراقتىڭ قازاقتىڭ اس مازىرىنە قالاي ءتۇسىپ كەتكەنىن بىلمەدىك، بىراق ەكسكليۋزيۆتىڭ ءبىرى وسى... ايتەۋىر، بۇرىن-سوڭدى كورمەگەن ەكزوتيكاعا شەتەلدىكتەر شىبىنداي ۇيمەلەپ جاتسا كەرەك. اندجەلينا دجولي دا وسى ساياباقتا بولىپ، كيىز تەكەمەتتە اۋناپ، دومبىرا شەرتىپتى دەگەن وسەك جەلدەي ەسىپ ءجۇر. بىراق... بىراقسىز اڭگىمە بولا ما؟ بىرنەشە سايت جاريالاپ جىبەرگەن مىنا سۋرەتتەردەگى پەيزاج ماليبۋدىڭ كەلبەتىنە كەلمەيدى-اۋ، كەلمەيدى. وندا قايداعى قاراعاي، قايداعى سامىرسىن؟ مۇنداعى كورىنىس تۋرا كوكشەتاۋدىڭ، تۋراسى شىعىس قازاقستاننىڭ تابيعاتى تامىلجىعان ءبىر جەرلەرىن ەسكە سالادى. سولاي بولۋى دا عاجاپ ەمەس... ايتەۋىر، دەرەككە سەنسەك تە، سۋرەتكە سەنىڭكىرەمەي تۇرمىز. ءسىز نە دەيسىز؟
ءو.كەنجەبەك
