ايدىڭ-كۇننىڭ امانىندا قاراعاندى وبلىسىنىڭ سوت جۇيەسى «ءوزىن-ءوزى قىسقارتۋدان» وزىندىك رەكورد جاسادى. ءبىر كۇندە جيىرما سۋديا جىلى ورىندارىنان جۇلىنىپ تاستالدى. بۇعان سويىلداي سەبەپ ىزدەسەڭىز، قاراعاندى وبلىستىق سوتىنىڭ ءباسپاسوز قىزمەتى «قازاقستان رەسپۋبليكاسى پرەزيدەنتىنىڭ №1089 «قازاقستان رەسپۋبليكاسىندا توراعا، سوت القاسىنىڭ توراعاسى، جانە سوتتاردىڭ سۋديالارىن تاعايىنداۋ جانە بوساتۋ تۋرالى» جارلىعىنا سىلتەمە جاسا-ا-پ وتىر. «توعىز قاتىننىڭ تولعاعى ءبىر كۇندە كەلدى» دەمەكشى، توعىز سۋديا قىسقارتۋدىڭ قايشىسىنا ىلىكسە، توعىزى وتستاۆكاعا شىعىپ كەتىپتى. بىرەۋى باسقا قىزمەتكە اۋىسۋىنا بايلانىستى، ال ەكىنشىسى قايتىس بولعانى ءۇشىن قىزمەتتەن كەتكەن. بۇدان بولەك، وبلىس سوتتارىندا قىزمەت اتقارىپ جۇرگەن 108 مامانعا دا ەسىكتىڭ ارعى جاعىن كورسەتىپ، «كەت» دەمەك. بىراق، وسىنىڭ ءبارى اينالاسى 24 ساعاتتا ورىن الدى دەگەنگە سەنۋ قيىنداۋ ەكەن. سوعان قاراپ، بۇنى وبلىستىق سوت توراعاسى ەرمەك سەرىكباەۆتىڭ ەلدەن ەرەك وپەراتيۆتىلىگى يا «اسىرا سىلتەۋ بولماسىن، اشا تۇياق قالماسىن» دەگەن ستيلدەگى ءىسى ەكەنىن ۇعا المادىق. قىسقارتۋ قارجى ۇنەمدەگەنىمەن، سوتتارعا كەلەتىن جاشىك-جاشىك ارىز-شاعىمنىڭ قارالۋ مەرزىمىن قىسقارتادى دەيسىز بە؟ وسىلايشا، تارازى باسىنا ەرىكسىز ۇنەم مەن ناتيجە توپ ەتە تۇسەدى. ايتەۋىر، ارتى قايىرلى بولسىن...

ايدىڭ-كۇننىڭ امانىندا قاراعاندى وبلىسىنىڭ سوت جۇيەسى «ءوزىن-ءوزى قىسقارتۋدان» وزىندىك رەكورد جاسادى. ءبىر كۇندە جيىرما سۋديا جىلى ورىندارىنان جۇلىنىپ تاستالدى. بۇعان سويىلداي سەبەپ ىزدەسەڭىز، قاراعاندى وبلىستىق سوتىنىڭ ءباسپاسوز قىزمەتى «قازاقستان رەسپۋبليكاسى پرەزيدەنتىنىڭ №1089 «قازاقستان رەسپۋبليكاسىندا توراعا، سوت القاسىنىڭ توراعاسى، جانە سوتتاردىڭ سۋديالارىن تاعايىنداۋ جانە بوساتۋ تۋرالى» جارلىعىنا سىلتەمە جاسا-ا-پ وتىر. «توعىز قاتىننىڭ تولعاعى ءبىر كۇندە كەلدى» دەمەكشى، توعىز سۋديا قىسقارتۋدىڭ قايشىسىنا ىلىكسە، توعىزى وتستاۆكاعا شىعىپ كەتىپتى. بىرەۋى باسقا قىزمەتكە اۋىسۋىنا بايلانىستى، ال ەكىنشىسى قايتىس بولعانى ءۇشىن قىزمەتتەن كەتكەن. بۇدان بولەك، وبلىس سوتتارىندا قىزمەت اتقارىپ جۇرگەن 108 مامانعا دا ەسىكتىڭ ارعى جاعىن كورسەتىپ، «كەت» دەمەك. بىراق، وسىنىڭ ءبارى اينالاسى 24 ساعاتتا ورىن الدى دەگەنگە سەنۋ قيىنداۋ ەكەن. سوعان قاراپ، بۇنى وبلىستىق سوت توراعاسى ەرمەك سەرىكباەۆتىڭ ەلدەن ەرەك وپەراتيۆتىلىگى يا «اسىرا سىلتەۋ بولماسىن، اشا تۇياق قالماسىن» دەگەن ستيلدەگى ءىسى ەكەنىن ۇعا المادىق. قىسقارتۋ قارجى ۇنەمدەگەنىمەن، سوتتارعا كەلەتىن جاشىك-جاشىك ارىز-شاعىمنىڭ قارالۋ مەرزىمىن قىسقارتادى دەيسىز بە؟ وسىلايشا، تارازى باسىنا ەرىكسىز ۇنەم مەن ناتيجە توپ ەتە تۇسەدى. ايتەۋىر، ارتى قايىرلى بولسىن...