كوڭىل-كۇيى كەلمەسە، كرەملمەن كىرجىڭدەسىپ، رەسەي پرەزيدەنتى دميتري مەدۆەدوۆ پەن پرەمەر-مينيستر ۆلاديمير پۋتينمەن سوزگە كەلىپ  قالا بەرەتىن بەلورۋسسيا پرەزيدەنتى الەكساندار لۋكاشەنكو پولشا باق-ىنا بەرگەن سۇحباتىندا: «قازاقستان دەموكراتيانىڭ شىراعى! قانشا وتىرعىم كەلەدى - سونشا وتىرامىن» دەگەن ويىن ايتا كەلىپ، ءاي-ءشاي جوق، ويلاماعان جەردەن قازاقستان پرەزيدەنتى نۇرسۇلتان نازارباەۆتى بيلىكتى وزبىرلىقپەن باسىپ الىپ وتىر دەپ ايىپتاي سويلەگەنى تۋرالى حاباردى رەسەيلىك newsland.ru سايتى جاريالاعان.

سۇحبات بارىسىندا  الەكساندر لۋكاشەنكوعا باعىتتالىپ «وزگە ەلدەر دە 15 جىل بويى ءبىر ادام پرەزيدەنت بولىپ وتىرا بەرۋ مۇمكىن ەمەس» دەپ ايتىلعان سوزگە بەلورۋسسيا پرەزيدەنتى: «ول سىزدەردىڭ ماسەلەلەرىڭىز. بىزدە ءبارى مۇمكىن. رەسەيدە دە ءبارى مۇمكىن»  دەگەن جاۋاپ ايتقان.

كوڭىل-كۇيى كەلمەسە، كرەملمەن كىرجىڭدەسىپ، رەسەي پرەزيدەنتى دميتري مەدۆەدوۆ پەن پرەمەر-مينيستر ۆلاديمير پۋتينمەن سوزگە كەلىپ  قالا بەرەتىن بەلورۋسسيا پرەزيدەنتى الەكساندار لۋكاشەنكو پولشا باق-ىنا بەرگەن سۇحباتىندا: «قازاقستان دەموكراتيانىڭ شىراعى! قانشا وتىرعىم كەلەدى - سونشا وتىرامىن» دەگەن ويىن ايتا كەلىپ، ءاي-ءشاي جوق، ويلاماعان جەردەن قازاقستان پرەزيدەنتى نۇرسۇلتان نازارباەۆتى بيلىكتى وزبىرلىقپەن باسىپ الىپ وتىر دەپ ايىپتاي سويلەگەنى تۋرالى حاباردى رەسەيلىك newsland.ru سايتى جاريالاعان.

سۇحبات بارىسىندا  الەكساندر لۋكاشەنكوعا باعىتتالىپ «وزگە ەلدەر دە 15 جىل بويى ءبىر ادام پرەزيدەنت بولىپ وتىرا بەرۋ مۇمكىن ەمەس» دەپ ايتىلعان سوزگە بەلورۋسسيا پرەزيدەنتى: «ول سىزدەردىڭ ماسەلەلەرىڭىز. بىزدە ءبارى مۇمكىن. رەسەيدە دە ءبارى مۇمكىن»  دەگەن جاۋاپ ايتقان.

ال، وسىدان ءۇش جىلداي بۇرىن الەكسانلر لۋكاشەنكو  رەسەيلىك «زاۆترا» گازەتىنىڭ باس رەداكتورى الەكساندر پروحانوۆقا بەرگەن سۇحباتىندا: «بۇگىن دە قازاقستان بارلىق تابيعي بايلىعىن ترانسۇلتتىق كومپانيالارعا بەرىپ قويعان. سونىڭ ىشىنە امەريكاندىق كومپانيالارعا. ورىستاردى ءبىرجولا ىعىستىردى. وندا رەسەيلىك كومپانيالارعا ىستەيتىن ەشنارسە قالعان جوق. قالاي ولارمەن قوسىلماقسىزدار؟ جانە ولار قىتايعا قۇبىرلار تارتىپ جاتىر. ال، قىتاي كەز كەلگەن كولەمدەگى كومىرسۋتەك شيكىزاتىن جۇتىپ قويۋعا دايىن. ... سىزدەر قازاقستاندى قالايشا تارتپاقسىزدار؟ قازاقستان تاۋەلسىز ساياسات جۇرگىزىپ كەلەدى جانە ءوزىن ايماقتىق كوشباسشى رەتىندە كورسەتۋدە» دەپ ايتقان.

بىرەسە رەسەيگە اقىل ايتىپ، اراسىندا كرمەلمەن سوزگە كەلىپ، ءجۇز شايىسىپ جۇرەتىن ەندى مىنە، قازاقستان پرەزيدەنتى تۋرالى كوسىلىپ اڭگىمە ايتقان بەلورۋسسيا پرەزيدەنتى اقىرى كەدەندىك وداققا ەنۋ ارقىلى ءوزى ءسوز قىلعان ارىپتەستەرىمەن تاعى توقايلاسىپ وتىرعانى بەلگىلى.

بەلورۋسسيا پرەزيدەنتى كەيدە بايقاماي ايتىپ قالا ما الدە شىنىمەن سولاي ويلاي ما ەكەن، كىم ءبىلسىن...

«اباي-اقپارات»