«اليانس» بانكتىڭ توڭىرەگىندە اڭگىمە باستالعان كەزدە اتالعان بانكتىڭ سول تۇستاعى ديرەكتورلار كەڭەسىنىڭ توراعاسى مارعۇلان سەيسەنباەۆ شەتەلگە كەتكەنى بەلگىلى بولعان. اۋەلى دەمالىس دەدى. بانكتىڭ ءىسى كۇردەلەنە باستاعان دا جۇرتتىڭ ءبارى مارعۇلان سەيسەنباەۆتى ىزدەدى. ءسويتىپ، ونىڭ شەتەلدەن قايتپاعانى ءمالىم بولعان.  سول ەكى ارادا قارجى پوليتسياسى مارعۇلان سەيسەنباەۆقا جانە بانكتىڭ تاعى بىرنەشە قىزمەتكەرلەرىنىڭ ۇستىنەن ءىرى كولەمدە اقشا جىمقىرعان دەگەپ ايىپپەن قىلمىستىق ءىس قوزعاعان. ءتىپتى، حالىقارالىق ىزدەۋ جاريالاعان. شەكارا اسقان بانكيرلەردىڭ باسى م.سەيسەنباەۆ ەمەس ەكەنىن بىلەتىن ءارى تىقىر تايانعاندا ەۋروپاعا تايىپ تۇراتىنداردى كورە-كورە جانە ول جاققا كەتكەندەردىڭ جۋىقتا ورالمايتىنىن بىلەتىن ەل «وسى كەتكەننەن مول كەتكەن شىعار» دەپ توپشىلاعان. بىراق، مارعۇلان سەيسەنباەۆ ەلگە ورالامىن دەپ ايتقان ەكەن. اقىرى اينالىپ قازىعىن تاپتى.

ەلگە كەلگەن م. سەيسەنباەۆ كۇنى كەشە ءباسپاسوز ءماسليحاتىن وتكىزدى. جۋرناليستەرمەن كەزدەسۋدە ول ءبۇي دەدى:

«اليانس» بانكتىڭ توڭىرەگىندە اڭگىمە باستالعان كەزدە اتالعان بانكتىڭ سول تۇستاعى ديرەكتورلار كەڭەسىنىڭ توراعاسى مارعۇلان سەيسەنباەۆ شەتەلگە كەتكەنى بەلگىلى بولعان. اۋەلى دەمالىس دەدى. بانكتىڭ ءىسى كۇردەلەنە باستاعان دا جۇرتتىڭ ءبارى مارعۇلان سەيسەنباەۆتى ىزدەدى. ءسويتىپ، ونىڭ شەتەلدەن قايتپاعانى ءمالىم بولعان.  سول ەكى ارادا قارجى پوليتسياسى مارعۇلان سەيسەنباەۆقا جانە بانكتىڭ تاعى بىرنەشە قىزمەتكەرلەرىنىڭ ۇستىنەن ءىرى كولەمدە اقشا جىمقىرعان دەگەپ ايىپپەن قىلمىستىق ءىس قوزعاعان. ءتىپتى، حالىقارالىق ىزدەۋ جاريالاعان. شەكارا اسقان بانكيرلەردىڭ باسى م.سەيسەنباەۆ ەمەس ەكەنىن بىلەتىن ءارى تىقىر تايانعاندا ەۋروپاعا تايىپ تۇراتىنداردى كورە-كورە جانە ول جاققا كەتكەندەردىڭ جۋىقتا ورالمايتىنىن بىلەتىن ەل «وسى كەتكەننەن مول كەتكەن شىعار» دەپ توپشىلاعان. بىراق، مارعۇلان سەيسەنباەۆ ەلگە ورالامىن دەپ ايتقان ەكەن. اقىرى اينالىپ قازىعىن تاپتى.

ەلگە كەلگەن م. سەيسەنباەۆ كۇنى كەشە ءباسپاسوز ءماسليحاتىن وتكىزدى. جۋرناليستەرمەن كەزدەسۋدە ول ءبۇي دەدى:

«مەن، «اليانس» بانك ديرەكتورلار كەڭەسىنىڭ توراعاسى سەيسەمباەۆ مارعۇلان قاليۇلى اعىمداعى جىلدىڭ 25 قازانىندا قازاقستانعا ءوز ەركىممەن ورالدىم. بانكتىڭ اكتسيونەرلەرى مەن مەنەدجەرلەرىنە قارسى قوزعالعان قىلمىستىق ءىستى تەرگەۋ امالدارىنا كومەكتەسۋگە ءازىرمىن. ماعان تاعىلعان ايىپ بويىنشا شىندىقتى انىقتاۋ ءۇشىن جاۋاپ بەرۋگە دايىنمىن. جانە بانكتىڭ اكتيۆىن ورنىنا قويۋ ءۇشىن جۇمىس جاساۋعا، بيزنەس قاۋىمنىڭ الدىندا ونىڭ بەدەلىن كوتەرۋگە دە ءازىر ەكەنىمدى ايتقىم كەلەدى»، دەگەن مارعۇلان سەيسەنباەۆ «جازدىم، جاڭىلدىم» دەپ ەۋروپا اسقان قازاقتار: راحات اليەۆ، مۇحتار ابليازوۆپەن ەشقانداي قاتىسى جوقتىعىن جانە ولاردىڭ ساياسي كوزقاراستارى مەن ءىس ارەكەتتەرىن ەشۋاقىتتا قولداماعانىن ءتىپتى، وپپوزيتسيادا بولماعانىن جايىپ سالدى.

وسىلاي دەپ «زار ەڭىرەگەن» م.سەيسەنباەۆ پرەزيدەنتكە ادال ەكەنىن استىن سىزىپ تۇرىپ اتاپ ءوتتى.

«ەل پرەزيدەنتىنە ادال بولدىم، جانە الداعى ۋاقىتتا دا سول ادالدىعىمدا قالا بەرەمىن. قالاي مەن ەل باسىنىڭ ساياساتىن قولدامايمىن؟ ەگەر مەن الىس اۋىلدا كوپ بالالى وتباسىنان شىعىپ، جاقسى ءبىلىم الىپ، سونان سوڭ قازاقستاندا ءىرى بيزنەس قۇرىلىمىن قالىپتاستىردىم. بيزنەسمەن جانە ازامات رەتىندە ءوز كەلەشەگىمدى قازاقستاننىڭ بولاشاعىمەن بايلانىستىرامىن جانە بۇدان كەيىن دە ەل يگىلىگى ءۇشىن ەڭبەك ەتۋگە دايىنمىن»، دەي كەلە، ول ەۋروپانى پانالاپ جۇرگەندەردى «اۋىلعا» قايتۋعا ۇندەدى: «وسى جاعدايدى پايدالانىپ، شەت ەلدە تىعىلىپ جۇرگەندەردىڭ بارلىعىن ەلگە ورالۋعا، تەرگەۋگە كومەك جاساۋعا شاقىرامىن. ولاردىڭ جاۋاپكەرشىلىكتەن قاشىپ، قازاقستاننان تىس جەردە ءجۇرۋى وزدەرىنىڭ جاعدايىن ودان ءارى قيىنداتا بەرەتىنىن ەسكەرتكىم كەلەدى». سەيسەنباەۆتىڭ ءسوزى وسىمەن ءتامام.

سوزىندە تۇرىپ قايتىپ ورالعان سەيسەنباەۆتىڭ ءسوزى وسى. قالعانى تاعى دا ۋاقىتتىڭ ەنشىسىندە.

«اباي-اقپارات»