الماتى وبلىسى پانفيلوۆ اۋدانىنداعى اۋليە اعاشتىڭ ورتەنۋى قالىڭ كوپشىلىكتى ءدۇر سىلكىنتتى. بىرەۋلەر جاعاسىن ۇستاپ، ەندى بىرەۋلەر كىمدى كىنالارىن بىلمەي دال بولىپ جاتىر. ارينە، «الدەبىر فاناتتاردىڭ ءىسى» دەي سالۋعا بولار ەدى. بىراق، مۇنداي فاناتتاردىڭ ءىسىنىڭ جالعاسپاسىنا كىم كەپىل؟ بۇگىن الەمدەگى ەڭ ۇلكەن اعاش-اۋليەاعاشىمىز ورتەنسە، ەرتەڭ اۋليەلەرىمىز مانسۇقتالىپ،كيەلى كەسەنەلەرىمىز كەسەككە اينالىپ جاتسا، كىمدى كىنالايمىز؟.. جاتقا جالپاقتاۋدان الدىنا جان سالمايتىن، جات دىندەرگە ەسىگى اشىق، جات تىلدەردەن ءتورى بوسامايتىن جالپاقشەشەي بيلىك وسىلاي قاراپ وتىرا بەرە مە؟» جاس قازاق ءۇنى» گازەتىنىڭ بىلتىرعى ءدىن تۋرالى زاڭعا وزگەرىستەر ەنگىزۋ تۋرالى جوباعا ۇسىنىسى مەن زاڭ جوباسىنىڭ قابىلدانباۋىنا نەگىز جوق ەكەنىن دالەلدەپ جازعان اشىق حاتىنا كونستيتۋتسيالىق كەڭەستىڭ ءوزى جاۋاپ بەرە العان جوق...

الماتى وبلىسى پانفيلوۆ اۋدانىنداعى اۋليە اعاشتىڭ ورتەنۋى قالىڭ كوپشىلىكتى ءدۇر سىلكىنتتى. بىرەۋلەر جاعاسىن ۇستاپ، ەندى بىرەۋلەر كىمدى كىنالارىن بىلمەي دال بولىپ جاتىر. ارينە، «الدەبىر فاناتتاردىڭ ءىسى» دەي سالۋعا بولار ەدى. بىراق، مۇنداي فاناتتاردىڭ ءىسىنىڭ جالعاسپاسىنا كىم كەپىل؟ بۇگىن الەمدەگى ەڭ ۇلكەن اعاش-اۋليەاعاشىمىز ورتەنسە، ەرتەڭ اۋليەلەرىمىز مانسۇقتالىپ،كيەلى كەسەنەلەرىمىز كەسەككە اينالىپ جاتسا، كىمدى كىنالايمىز؟.. جاتقا جالپاقتاۋدان الدىنا جان سالمايتىن، جات دىندەرگە ەسىگى اشىق، جات تىلدەردەن ءتورى بوسامايتىن جالپاقشەشەي بيلىك وسىلاي قاراپ وتىرا بەرە مە؟» جاس قازاق ءۇنى» گازەتىنىڭ بىلتىرعى ءدىن تۋرالى زاڭعا وزگەرىستەر ەنگىزۋ تۋرالى جوباعا ۇسىنىسى مەن زاڭ جوباسىنىڭ قابىلدانباۋىنا نەگىز جوق ەكەنىن دالەلدەپ جازعان اشىق حاتىنا كونستيتۋتسيالىق كەڭەستىڭ ءوزى جاۋاپ بەرە العان جوق...

وتپەن ويناۋ كىمگە ابىروي اپەرەدى؟ تاريحتان كۇللى مۇسىلمان جۇرتشىلىعىنا «ۋاحابيتتەر» دەگەن اتپەن ءماشھۇر ءدىني ۇيىم وكىلدەرى مەككە مەن مەدينەدەگى كيەلى جەرلەردى دە قيراتقانى بەلگىلى. ءدىني ۇيىمنىڭ باسشىسى ءابدىل ۋاھاب وسى ءىستى ءوز قولىمەن باستاعانىن دا مۇسىلمان تاريحى جوققا شىعارمايدى. ۋاحابيستەر ساۋد ارابياسىنداعى كونە ءارى قاسيەتتى ەسكەرتكىشتەرىنىڭ 90 پايىزىن جويىپ جىبەرگەن. 1924 جىلى مەككەنى باسىپ الىپ، مۇحاممەد پايعامباردىڭ ايەلى جانە ونىڭ اعاسى ءابۋ-ءتالىپتىڭ مازارلارىن جەرمەن-جەكسەن ەتكەن. 1926 جىلى مەدينەنى ءوز يەلىكتەرىنە وتكىزىپ، پايعامبار ۇرپاقتارىنىڭ قورىمدارىن قۇرتقان. مۇنان كەيىن سالمەننىڭ اتاقتى جەتى مەشىتى وت قۇشاعىنا وراندى. ول ازداي اللا ەلشىسىنىڭ تۋعان ءۇيىن اجەتحاناعا اينالدىردى. بۇل تاريحتىڭ سارتاپ بەتتەرىندە قاتتالعان جايلار. اۋليە اعاش ورتەنگەن كەزدە بىزدە دە سول ءبىر قاتەرلى تاريحتىڭ باستالعانىن ۇققانداي بولدىق. ەندى، ارىستان باب، قوجا احمەت ياسساۋي، ايشا ءبيبى، قاراحان، رايىمبەك سياقتى تۇلعالاردىڭ مازارلارىنا شابۋىل جاسالۋى مۇمكىن. ءتىپتى، قوجا احمەت ءياسساۋيدىڭ كەسەنەسىن ءىش بوساتار مادەنيەت ءۇيى ەتسە دە، تاڭ قالمايسىز. ويتكەنى، پايعامبارىمىزدىڭ تۋعان ءۇيىن اجەتحانا ەتكەندەر ەشتەڭەدەن تايىنبايدى.

بۇعان ءتيىستى بيلىك ورىندارى مەن ءدىن ىستەرى جونىندەگى باسقارما نە دەيدى ەكەن؟ ال زيالى قاۋىم شە؟

«جاس قازاق ءۇنى» گازەتى