جۇماش كوكبورى. قازاعىمدى قورعاشى...
ءتۇسى سۋىق، سۇر ما ەكەن؟
تۋمىسىنان سۇم با ەكەن؟
قالىڭ جىلان ىسىلداپ،
شاعايىن دەپ تۇر ما ەكەن؟..
جوق ۇلتىما قايىر دا،
ۇرى – ۇرلاپ بايۋ دا.
بۇل قازاققا قانشا جىل،
كۇش كورسەتكەن ايۋ دا.
ەكەۋىنىڭ سۇرقىن-اي،
بۇزىلماسىن شىرقىم-اي!
اراسىندا ەكى وتتىڭ،
ارپالىسقان ۇلتىم-اي!
تاعدىر ءبىزدى سىنادى-اۋ،
دەمە ۇلتىمدى سىنادى-اۋ...
ايۋ، جىلان الدىندا
قالش-قالش ەتكىن كىم اناۋ؟..
وڭعان ەمەس وڭبايتىن،
توڭعان ەمەس توڭبايتىن.
بىراق، ءبىزدىڭ قازاقتىڭ
ءتاڭىرى بار قورعايتىن!
نامىسسىزدار، سورلاشى!
وڭباعاندار، وڭباشى!
و، ءتاڭىرىم، سەن، ماڭگى،
قازاعىمدى قورعاشى!؟.
Abai.kz
