ءشارىپحان قايسار. قازاقستاندى حاليفاتقا اينالدىرماق ەكەن...
كۇللى مۇسىلمان جاماعاتى قاسيەتتى قۇربان ايت مەرەكەسىن اتاپ ءوتىپ، ايتشىلاپ، ءماز-ءمايرام بولىپ جاتقاندا Kazakhstan Today اگەنتتىگى «ەكسپرەسس ك» گازەتىنە سىلتەمە جاساي وتىرىپ توسىنداۋ ءبىر حابار تاراتتى. اتالعان اگەنتتىك تاراتىپ وتىرعان حابارعا قۇلاق تۇرسەك، استانامىز استانانى اللا ءبىر قاتەردەن ساقتاپ قالعانعا ۇقسايدى. نەگە دەسەڭىز، زايىرلى قوعامدا ءومىر ءسۇرىپ جاتقان قازاقستاندى الدەبىر حارام نيەتتى جاندار حاليفاتقا اينالدىرماق بولىپ جاسىرىن ۇيىم قۇرىپ ءجۇرىپتى. استانا پروكۋرورىنىڭ ءبىرىنشى ورىنباسارى ەسەنجان دوسانوۆتىڭ «ەكسپرەسس ك» گازەتىندەگى سوزىنە سەنسەك، يسلام ءدىنىن بەت پەردە ەتكەن ەكستەرميستىك توپ داستارحان باسىندا ءماسليحات قۇرۋدى، قاتار تۇرىپ ناماز وقۋدى سىلتاۋ ەتىپ جالداپ العان پاتەرلەردە باس قوسا بەرگەن كورىنەدى. ءار باس قوسۋدا توپ باسشىلارى يسلامدى ماداقتاپ، حريستيان ءدىنىن جامانداپ، ايەل بىتكەن حيدجاب كيسىن، ەرلەر باسىنان تاقياسىن تاستاماسىن دەپ تالاپ قويىپ وتىرىپتى. ۇيىمنىڭ جاس، جاڭا مۇشەلەرىنە رەسەي فەدەرالدىق قىزمەتى ۇستاپ ولتىرگەن قاپقازدىق تەررورشىلاردىڭ بەينەكورسەتىلىمدەرى مەن وسيەت سوزدەرى ناسيحاتتالىپ، «يسلام دىنىنە باس يمەگەندەردىڭ باسىن الۋ كەرەك»، «كۇشتەپ ساجدەگە جىعۋ كەرەك» دەگەن سياقتى بەسىكتەگى بالا شوشىپ وياناتىنداي قورقىنىشتى سوزدەر ايتىلىپ كەلىپتى.
كۇللى مۇسىلمان جاماعاتى قاسيەتتى قۇربان ايت مەرەكەسىن اتاپ ءوتىپ، ايتشىلاپ، ءماز-ءمايرام بولىپ جاتقاندا Kazakhstan Today اگەنتتىگى «ەكسپرەسس ك» گازەتىنە سىلتەمە جاساي وتىرىپ توسىنداۋ ءبىر حابار تاراتتى. اتالعان اگەنتتىك تاراتىپ وتىرعان حابارعا قۇلاق تۇرسەك، استانامىز استانانى اللا ءبىر قاتەردەن ساقتاپ قالعانعا ۇقسايدى. نەگە دەسەڭىز، زايىرلى قوعامدا ءومىر ءسۇرىپ جاتقان قازاقستاندى الدەبىر حارام نيەتتى جاندار حاليفاتقا اينالدىرماق بولىپ جاسىرىن ۇيىم قۇرىپ ءجۇرىپتى. استانا پروكۋرورىنىڭ ءبىرىنشى ورىنباسارى ەسەنجان دوسانوۆتىڭ «ەكسپرەسس ك» گازەتىندەگى سوزىنە سەنسەك، يسلام ءدىنىن بەت پەردە ەتكەن ەكستەرميستىك توپ داستارحان باسىندا ءماسليحات قۇرۋدى، قاتار تۇرىپ ناماز وقۋدى سىلتاۋ ەتىپ جالداپ العان پاتەرلەردە باس قوسا بەرگەن كورىنەدى. ءار باس قوسۋدا توپ باسشىلارى يسلامدى ماداقتاپ، حريستيان ءدىنىن جامانداپ، ايەل بىتكەن حيدجاب كيسىن، ەرلەر باسىنان تاقياسىن تاستاماسىن دەپ تالاپ قويىپ وتىرىپتى. ۇيىمنىڭ جاس، جاڭا مۇشەلەرىنە رەسەي فەدەرالدىق قىزمەتى ۇستاپ ولتىرگەن قاپقازدىق تەررورشىلاردىڭ بەينەكورسەتىلىمدەرى مەن وسيەت سوزدەرى ناسيحاتتالىپ، «يسلام دىنىنە باس يمەگەندەردىڭ باسىن الۋ كەرەك»، «كۇشتەپ ساجدەگە جىعۋ كەرەك» دەگەن سياقتى بەسىكتەگى بالا شوشىپ وياناتىنداي قورقىنىشتى سوزدەر ايتىلىپ كەلىپتى.
الگىندەي ءورلى-قىرلى ويلارىن ىسكە اسىرۋ ءۇشىن جاسىرىن توپ استاناداعى پولياتسيا قىزمەتىن باسىپ الىپ، قارجى مينسيترلىگى مەن ەلوردانىڭ ءرامىزى ىسپەتتەس «بايتەرەكتى» جارىپ جىبەرۋدى جوسپارلاپ قويىپتى. ءسويتىپ استانادان الاساپىران جاساماق بولعان حالىقارالىق ەكستەرميستىك توپتىڭ مۇشەلەرى كوزگە ءىلىنىپ، تۇتقىندالدى. ولاردىڭ الدى جەتى جىلعا، سوڭى ءتورت جىلعا باس بوستاندىقتارىنان ايرىلدى.
قۇداي ساقتاسىن دەيمىز دە... بىراق، وڭاي وسپاقتان ۇستالا كەتىپ، حارام نيەتتەرى جاريا بولا قالعان ول قانداي حالىقارالىق ەكستەرميستىك توپ دەگەن وي كاللاڭدى شىر اينالىپ وتەدى ەكەن. ويتكەنى، Kazakhstan Today اگەنتتىگى تاراتقان حاباردا ەكستەرميستىك توپتىڭ اتى اتالمايدى. توپ باسشىلارىنىڭ اتى جوندەرى دە نازاردان تىس قالىپتى. نەگە؟ الدە بۇل ەقىۇ-نىڭ استانادا وتپەك بولىپ جاتقان ءسامميتىنىڭ قاراسىڭىنداعى قىراعىلىق پا، الدە، جۇرتتى وساما بەن لادەن كولەڭكەسىمەن ۇرەيلەندىرۋدىڭ امالى ما؟ ايتكەنمەندە، جاركەنتتەگى اۋليە اعاشتى ورتەمەك بولىپ قايمانا قازاق ورتاسىن قاراداي شۋلاتقان اسىرە دىنشىلدەردىڭ ارەكەتىن ويعا الساڭ جاماناتتان جانىڭ تۇرشىگەدى. قازىر جۇرت جاراتقاننىڭ حاق ءدىنى - يسلامنىڭ ىشىنە تۇسكەن جەگى قۇرتتاردىڭ الەمدى دۇرلىكتىرگەن ارقيلى ارەكەتتەرىنەن ءتۇڭىلىپ ءبىتتى. تىعىرىقتان شىعار جول قايسى؟ وسىدان بىرەر جىل بۇرىن شىمكەنتتە حيزبۋت تاحرير توبىنىڭ مۇشەلەرى تەمىر تورعا توعىتىلعاندا نازارباەۆ «ەلىمىزدى حاليفاتقا اينالدىرعىسى كەلەتىن كۇشتەر بار» دەگەن ەدى. سول كۇشتەر كۇش الىپ ەندى استانانى توڭىرەكتەپ جۇرسە وعان تاڭ قالمايمىز...
