قارا كۇزدىڭ سوڭى – قاراشا ايىندا، قازاقتىڭ بەلگىلى جازۋشىسى، قارا ءسوزدىڭ شەبەرى، كينودراماتۋرگ ديدار امانتايدىڭ “قارقارالى باسىندا” اتتى پروزا كىتابى جارىق كورىپ وتىر.

اتالمىش كىتاپقا “گۇلدەر مەن كىتاپتار” رومانى، “مەن ءسىزدى ساعىنىپ ءجۇرمىن” پوۆەسى، سونىمەن قاتار، ون جەتى نوۆەللادان تۇراتىن “Post Scriptum” اڭگىمەلەر جيناعى جانە ءوز الدىنا دەربەس، ءارتۇرلى تاقىرىپتا جازىلعان جيىرما اڭگىمە تۇگەل ەندى.

ودان باسقا، كىتاپتىڭ “قوسىمشالار” بولىمىندە ءار جىلدارى ورىس تىلىندە جازىلعان فيلوسوفيالىق ەسسەلەرى مەن ءتورت اق ولەڭى توپتاستىرىلعان. “گۇلدەر مەن كىتاپتار” رومانى تۋرالى گەرولد بەلگەر (ورىسشا) مەن ءاليا بوپەجانوۆانىڭ (قازاقشا) سىن ماقالالارىن دا وسى كىتاپتىڭ سول بولىمىنەن تابۋعا بولادى.

مەملەكەتتىك “دارىن” سىيلىعىنىڭ لاۋرەاتى، “تارلان-ءۇمىت” سىيلىعىنىڭ ساحيبى ديدار امانتايدىڭ بۇل كىتابى – بەس تومدىق شىعارمالار جيناعىنىڭ العاشقى تومى. اۆتور الداعى بەس جىل بويى شىعارمالارىن ءار جىلدا ءبىر-ءبىر تومنان شىعارىپ وتىرۋدى وزىنە ماقسات تۇتىپ وتىر.

تاعى ءبىر ايتا كەتەر جايت - ۇلى زامانداسىمىز، اقىن، مەملەكەت جانە قوعام قايراتكەرى ولجاس سۇلەيمەنوۆتىڭ كەلەر جىلى ديداردىڭ ءبىر رومان، ءبىر پوۆەست جانە ون بەس اڭگىمەسىنەن قۇرالعان شەت تىلىندەگى (فرانتسۋزشا) العاشقى كىتابىن پاريج قالاسىندا جارىققا شىعارۋ ويى بار ەكەندىگى.

قارا كۇزدىڭ سوڭى – قاراشا ايىندا، قازاقتىڭ بەلگىلى جازۋشىسى، قارا ءسوزدىڭ شەبەرى، كينودراماتۋرگ ديدار امانتايدىڭ “قارقارالى باسىندا” اتتى پروزا كىتابى جارىق كورىپ وتىر.

اتالمىش كىتاپقا “گۇلدەر مەن كىتاپتار” رومانى، “مەن ءسىزدى ساعىنىپ ءجۇرمىن” پوۆەسى، سونىمەن قاتار، ون جەتى نوۆەللادان تۇراتىن “Post Scriptum” اڭگىمەلەر جيناعى جانە ءوز الدىنا دەربەس، ءارتۇرلى تاقىرىپتا جازىلعان جيىرما اڭگىمە تۇگەل ەندى.

ودان باسقا، كىتاپتىڭ “قوسىمشالار” بولىمىندە ءار جىلدارى ورىس تىلىندە جازىلعان فيلوسوفيالىق ەسسەلەرى مەن ءتورت اق ولەڭى توپتاستىرىلعان. “گۇلدەر مەن كىتاپتار” رومانى تۋرالى گەرولد بەلگەر (ورىسشا) مەن ءاليا بوپەجانوۆانىڭ (قازاقشا) سىن ماقالالارىن دا وسى كىتاپتىڭ سول بولىمىنەن تابۋعا بولادى.

مەملەكەتتىك “دارىن” سىيلىعىنىڭ لاۋرەاتى، “تارلان-ءۇمىت” سىيلىعىنىڭ ساحيبى ديدار امانتايدىڭ بۇل كىتابى – بەس تومدىق شىعارمالار جيناعىنىڭ العاشقى تومى. اۆتور الداعى بەس جىل بويى شىعارمالارىن ءار جىلدا ءبىر-ءبىر تومنان شىعارىپ وتىرۋدى وزىنە ماقسات تۇتىپ وتىر.

تاعى ءبىر ايتا كەتەر جايت - ۇلى زامانداسىمىز، اقىن، مەملەكەت جانە قوعام قايراتكەرى ولجاس سۇلەيمەنوۆتىڭ كەلەر جىلى ديداردىڭ ءبىر رومان، ءبىر پوۆەست جانە ون بەس اڭگىمەسىنەن قۇرالعان شەت تىلىندەگى (فرانتسۋزشا) العاشقى كىتابىن پاريج قالاسىندا جارىققا شىعارۋ ويى بار ەكەندىگى.

قازىر ءۇرىمشى قالاسىندا اكىمباي جاپارۇلىنىڭ تىكەلەي ارالاسۋىمەن قحر شىنجاڭ “جاستار-ورەندەر” باسپاسى ديدار امانتايدىڭ “گۇلدەر مەن كىتاپتار” رومانى مەن “مەن ءسىزدى ساعىنىپ ءجۇرمىن” پوۆەسىن بىرىكتىرىپ، ءبىر كىتاپ ەسەبىندە شىعارۋدى قولعا الىپ جاتىر.

بۇگىنگى كۇنى ەلگە بەلگىلى اۋدارماشى قايشا تابارىكقىزى ديدار شىعارمالارىن قىتاي تىلىنە اۋدارا باستادى.

سىزدەردىڭ نازارلارىڭىزعا ۇسىنىلماق كىتاپتىڭ، سونىمەن قاتار، قازىرگى تاڭدا ورىس، نەمىس، تۇرىك، اراب، اعىلشىن جانە كارىس تىلدەرىنە ءتارجىمالانىپ جاتقانىن ايتا كەتكەن ءجون.

پروزا، كينەماتوگرافيا جانە كوسەمسوز جانرىن قاتار ۇستانعان ديدار امانتايدىڭ بۇل كىتابى، ءبىر تاراپتان، قالامگەردىڭ وقىرمان قاۋىم الدىنداعى ەسەبى ءتارىزدى ەكەنى راس. الەم ادەبيەتىندەگى سونارلاپ كەلە جاتقان جاڭا اعىم-باعىتتار، جالپى، پروزانىڭ تاعدىر-تالايى، ءتۇرلى ۇلت پروزاسىنداعى قالىپتاسقان ماشىق، كەزەڭدىك جازۋ مانەرلەرى مەن سيۋجەتتىك جەلى، ءتاسىل جانە اتوموسفەرا، ءبارى-ءبارى كىتاپتىڭ تۇساۋكەسەرىندە ءسوز بولماق.

كىتاپتىڭ تانىستىرىلىمى 23 قاراشا كۇنى ش.ايمانوۆ اتىنداعى “قازاقفيلم” كينوستۋدياسىنىڭ «كينو الاڭى» ءماجىلىس زالىندا ساعات 15.00 دە وتەدى.

ۇيىمداستىرۋ كوميتەتى