ۋنيۆەرسيتەتتە ساباق بەرىپ جۇرگەن ۇستاز رەتىندە "التىن بەلگى" يەگەرلەرى تۋرالى ءبىراۋىز پىكىر ايتايىن. گرانتتى يەلەنگەن سول اب-لەردىڭ كوپشىلىگى ەرتەڭ اۋديتوريادا مىڭقيىپ وتىرادى. كەرىسىنشە، گرانتقا ءبىر-ەكى بالى جەتپەي قالعان، "اكە-شەشەسىنىڭ گرانتىندا وقيتىندار" وتە زەرەك، مىقتى وقيدى.

سوندىقتان اب-گە شىن تالانتتاردى ىرىكتەپ، وعان تالاپتى كۇشەيتۋ قاجەت. ەرتەڭ ۋنيۆەرسيتەتتە دە ۇياتقا قالماۋى كەرەك ەكەنىن اتا-انالار دا ءتۇسىنۋى ءتيىس.

گرانتقا تۇسسە بولدى دەپ ساپاسىز مامانداردى قاپتاتۋدىڭ قاجەتى جوق.
سوسىن قازىرگى تالاپكەرلەرگە ماماندىقتى اتا-اناسى تاڭداپ بەرەتىنىن كورىپ ءجۇرمىز. "وسىعان تاپسىرا سالشى، گرانت كوپ", - دەگەن اتا-انانى كوپ كورەسىڭ. سونداعى ماقسات نە؟ ديپلوم با؟ بالانىڭ بولاشاعىنا بالتا شابۋ بۇل.

جۇرەگىمەن قالاماعان ماماندىقتان مىقتى مامان بولمايدى. ساباعىنا دا سالعىرت قارايدى. ءبىر سەمەستردەن كەيىن ستيپەنديادان ايىرىلادى. جازعى سەمەسترگە قالادى. امال جوق جۇمىس ىستەيدى. كوبىنە اتا-اناسىنا ايتپايدى. سوسىن ساباقتا قالعىپ-شۇلعيدى. تاعى سول ۇلگەرمەيدى. اتا-اناسى ريزا گرانتتا وقيدى دەپ. كوزبوياۋشىلىق. كىم-كىمدى الداۋسىراتىپ جۇرگەنىن تۇسىنبەيسىڭ.

سوندىقتان اقىلى وقىتساڭىز دا بالانى جۇرەگىمەن قالاعان ماماندىقتى وقىتىڭىزدارشى دەگىم كەلەدى.

ايگەرىم ءالىمجان

Facebook-تەگى پاراقشاسىنان