الماتىدا 19 – 20 تامىز ارالىعىندا ەرەكشە فورماتتاعى «Star of Asia» حالىقارالىق مۋزىكا فەستيۆالى وتەدى. بۇل ايرىقشا شوۋ الەمدەگى ەڭ بيىك مۇز ايدىنى «مەدەۋدە» ءوتىپ، وعان الەمدىك دەڭگەيدەگى ارتيستەر قاتىسادى، اشىق اۋا ساحناسىندا جۇزدەگەن ءتۇرلى كوڭىل كوتەرەتىن شارالار كورسەتىلەدى دەپ حابارلايدى qazaquni.kz سايتى.

«بۇل ەرەكشە مۋزىكا مەرەكەسى بولادى، حيپ-حوپتان RnB-عا، يندي-پوپ، ەلەكتر جانە روك، ياعني ءتۇرلى باعىتتاعى اندەردى زاماناۋي ۇزدىك ورىنداۋشىلار ايتادى. الەمگە تانىمال شەتەلدىك ديدجەيلەر حەدلاينەرلەرگە اينالادى. كونتسەرتتەن وزگە فەستيۆال بارىسىندا فلەشموبتار مەن ءتۇرلى ستيلدەگى بي باتتلدارى دا كورسەتىلەدى»، – دەيدى فەستيۆالدى ۇيىمداستىرۋشىلار.

«Star of Asia»  ("ازيا جۇلدىزدارى") فەستيۆالى اتاۋىنىڭ ءوزى ساحنانىڭ ىشىنە ەنگەن ۇشاتىن مەتەوريتتى ەلەستەتەدى، ۇلكەن اركا پايدا بولادى.

مەدەۋدە العاش رەت راديالدى فورماداعى ساحنا جاسالادى. ونىڭ تەحنيكالىق نيۋانسىنا كەلسەك، قازاقستاندا راديالدى فورماداعى ساحنا جاساۋ وتە كۇردەلى. اۆتورلىق جوبا گەرمانيا، رەسەي جانە ۋكراينادان كەلگەن سەرىكتەستەر ارقىلى جۇزەگە اسادى.

«Star of Asia» وراسان مۋلتيپليكاتيۆتىك ەرەكشەلىككە يە بولادى دەپ كۇتىلۋدە. الماتىعا كەلەتىن جۇلدىزداردىڭ ساندىق جانە ساپالىق قۇرامىنا وراي «سان رەمو»، «سلاۆيانسكي بازار»، «نوۆايا ۆولنا» سياقتى كونتينەنتالدى ماڭىزعا يە فەستيۆالعا اينالۋى مۇمكىن دەپ كۇتىلۋدە.ءبىز فەستيۆال جىل سايىن وتەدى دەپ ۇمىتتەنەمىز» – دەيدى ۇيىمداستىرۋشىلار.

اتاپ وتەرلىك جايت، فەستيۆال قر پرەزيدەنتى ن. ءا.نازارباەۆتىڭ «رۋحاني جاڭعىرۋ» ماقالاسى اياسىندا جانە الماتىنىڭ قالا كۇنى قارساڭىندا مەگاپوليستە وقيعالى ءتۋريزمدى دامىتۋ ماقساتىندا وتەدى.

حالىقارالىق ساراپشىلاردىڭ باعالاۋى بويىنشا سوڭعى ون جىل ىشىندە وقيعالى تۋريزم جەدەل دامۋ ۇستىندە ، مۇنداعى الەمدىك اينالىم ون مىڭنان ءجۇز ميلليارد دوللارعا دەيىن وسكەن.

«Star of Asia» وتكىزۋ تۋريستەر لەگىن ارتتىرادى، ەكونوميكالىق تيىمدىلىك اكەلەدى، شارانى وتكىزۋ بارىسىندا تۋريستىك يندۋستريانىڭ بارلىق وبەكتىلەرى جۇمىستارىن جانداندىرادى.فەستيۆال قازاقستاندا عانا ەمەس، بارلىق ازيا كەڭىستىگىندەگى ەرەكشە مۋزىكالىق وقيعا بولادى ءارى الماتىنىڭ الەمگە تانىمالدىعىن اتتىرادى»-, دەدى اكىمدىك.

قالا باسشىلىعى «Star of Asia»الماتىداعى تۋريستىك سالانى ورىستەتۋدىڭ نەگىزگى ەلەمەنتتەرىنىڭ ءبىرى دەپ ەسەپتەيدى. فورماتى جاعىنان مۇلدەم وزگەشە «Star of Asia» كونتينەنتالدى فەستيۆالى «ازيا داۋسىنىڭ» ومىرشەڭ ءداستۇرىن جالعاستىرادى.

فەستيۆال ارتيستەرى دە كوپشىلىكتى قىزىقتىراتىنى ءسوزسىز،ولار: وڭتۇستىك كورەيانىڭ «U-Kiss» توبى- Asia Song Festival ، Chineese TOP Awards, Best Male Music Video, Korean Culture Entertainment Awards, Korean Video, Daejun Awards مۋزىكالىق سىيلىقتارىنىڭ لاۋرەاتى، Youtube ارناسىنداعى جازىلۋشىلار سانى 17 000 000 ادام، ءازىربايجاننىڭ تانىمال ءانشىسى Roya Instagramداعى فوللوۆەرلى جازىلۋشىلارىنىڭ سانى 1 100 000 ادام،وزبەكستاننىڭ ءانشىسى ءارى اكتريساسى، 15 سىيلىق پەن نوميناتسيا ۇزدىگى Rayhon (Instagram – 1 000 000 فوللوۆەرلەر، Facebook – 8 777 فوللوۆەرلەر), ينديانىڭ جارىق جۇلدىزى Sanah Moidutty (Instagram – 13 200 فوللوۆەرلەر، Facebook – 55 532 فوللوۆەرلەر), وزبەكتىڭ كلۋبتىق مادەنيەتىنىڭ جۇلدىزى DJ Piligrim (Instagram – 93 400 فوللوۆەرلەر، Facebook – 7 030 فوللوۆەرلەر), «Kral TV M uzik odulleri»، «Al tin kelebek odulleri»، «Istambul FM Alt in jdlleri» مارپاتتارىنىڭ يەگەرى،تۇرىكتىڭ اتاقتى ءانشىسى Murat Boz (Instagram – 7 100 000 فوللوۆەرلەر، Facebook – 5 057 717 فوللوۆەرلەر) جانە باسقالارى.

ەستەرىڭىزگە سالا كەتەيىك، بيلەتتەردى Kassir.kz, Chocolife.me, Ticketon.kz سايتتارىنىڭ جانە رەسپۋبليكا سارايىنىڭ، الماتىنىڭ مەگا ورتالىعىنىڭ كاسسالارىنان ساتىپ الۋعا بولادى.

Abai.kz