اقش گەنەرالى دجون نيكولسون كابۋلدا جاساعان مالىمدەمەسىندە راحماننىڭ ءولىمى "يسلام مەملەكەتى" ەكسترەميستىك توبى كۇشتەرىنە كەزەكتى سوققى بوپ تيگەنىن ايتقان.

اۋە وپەراتسياسى بارىسىندا جيحادشىلاردىڭ تاعى ءۇش كومانديرىنىڭ كوزى جويىلعان. گەنەرال نيكولسون اۋعانستانداعى جاۋدى 2017 جىلدىڭ سوڭىنا دەيىن جەڭۋگە ۋادە بەرگەن.

بيىل ساۋىردە اقش اسكەريلەرى اۋعانستاندا سالماعى 10 توننالىق فۋگاس بومباسىن قولدانعان. "بارلىق بومبالاردىڭ اناسى" دەگەن اتاۋعا يە بولعان بۇل قارۋ اۋعانستاننىڭ شىعىس بولىگىندە، پاكىستانمەن شەكاراداعى نانگارحار ءۋالاياتىندا ورنالاسقان جيحادشىلار بازاسىنا تاستالعان. اقش اسكەري باسشىلىعى بۇل وپەراتسيانى اۋعانستانداعى "يسلام مەملەكەتى" سودىرلارىنا قارسى جاسالعان ەڭ ءتيىمدى سوققىلاردىڭ ءبىرى دەپ سيپاتتاعان.

Abai.kz