جەكسەنبى, 14 تامىز 2022
اتتەڭ... 5252 8 پىكىر 21 تامىز, 2017 ساعات 12:05

اينالايىن، ۇكىمەت! 2,5 ميلليون قازاق ءۇيسىز ءجۇر...

تاعى دا باسپانا جايى. 2,5 ميلليون قازاق باسپاناعا ءزارۋ. دەمەك، 2,5 ميلليون ادام دامىعان، گۇلدەنگەن، ەكپىندى ەلۋ ەلدىڭ قاتارىنان ورىن الىپ ۇلگەرگەن قازاقستاندا  "كۆارتيرانت", "بوسقىن" جانە "ەڭبەك ميگرانتى" بولىپ ءجۇر.  بۇل - قازاقستان حالقىنىڭ 14 پايىزى.

Ranking.kz جۇرگىزگەن زەرتتەۋدىڭ ناتيجەلەرىنە سۇيەنسەك، قازاقستان بۇۇ بەكىتىپ بەرگەن ستاندارتقا 2030 جىلى ەنتەلەپ جەتۋ ءۇشىن باسپانا قورىن 5 ەسەگە كوبەيتۋى كەرەك ەكەن.

2016 جىلدىڭ قورىتىندىسى بويىنشا باسپاناعا مۇقتاجداردىڭ سانى ەلىمىزدە 2,5 ميلليوننان اسىپ جىعىلىپتى. سەبەبى، حالىقتىق ءوسىم جىلىنا 1,5 پايىزدى قۇرايدى. قۇداي كوپ كورمەسىن! كويبەيەيىك.

سويتكەن كۇننىڭ وزىندە، بىزدەگى قۇرىلىستىڭ قارقىنىمەن، تەك 2035 جىلى عانا حالىقتى باسپانامەن تولىق قامتۋعا بولاتىن كورىنەدى. قازىرگى ەسەپ بويىنشا، 6 ميلليون شارشى مەتر باسپانا سالىنۋى قاجەت.

ءجا، بۇل رەسمي سستاتيستيكا. شىنتۋايتىنا كەلگەندە الماتى، استانا، شىمكەنت سەكىلدى حالىق تىعىز ورنالاسقان ءام ىشكى ەڭبەك ميگرانتتارى كوپتەپ جيىلعان قالالاردا باسپاناسىز جۇرگەن قاراكوزدەردىڭ سانى 2,5 ميليوندى ەكى ەسەلەۋى ابدەن مۇمكىن. وتكەن جىلى "Abai.kz" اپاراتتىق پورتالى جۇرگىزگەن زەرتتەۋدىڭ قورىتىندىسى بويىنشا،  الماتى قالاسىنىڭ وزىندە جارتى ميلليونعا جۋىق باسپاناعا مۇقتاجدار انىقتالعان-دى. بۇعان جاتاقحانا جەتپەي قالىپ پاتەر سىعالاپ كەتكەن 46 مىڭعا جۋىق ستۋدەنتتى جانە قوسىڭىز.

الماتى اكىمى باۋىرجان بايبەك قالا تۇرعىندارىنىڭ سانى 2 ميلليونعا جەتكەنىن ايتىپ ءجۇر. ال سول 2 ميلليون ادام باسپانامەن قامتىلدى ما؟ جوق، ارينە.

ۇكىمەت «نۇرلى جەر» باعدارلاماسىنا 1,5 ترلن تەڭگە بولەدى. باسپانا سالۋ ءۇشىن، ارينە. بىراق، بۇل تەك قالا تۇرعىندارى مەن يپوتەكاعا كوزدەلگەن.

وسى ورايدا، باعاسى قالتا كوتەرەرلىك ۇسىنىستى "Abai.kz" اقپاراتتىق پورتالى ۇسىنعانىن ايتا كەتكەن ءجون. ۇكىمەت پىسقىرىپ تا قاراماعان بۇل ماسەلە - جاستاردى جاتاقجايمەن قامتۋ ەدى. كۇيلى-قۋاتتى ورىس ءباسپاسوزى دەپۋتات ازات پەرۋاشەۆ پەن "Abai.kz" اقپاراتتىق پورتالىنىڭ ۇسىنىسىن كەلەمەجگە اينالدىردى. ارينە، "اش بالا توق بالامەن وينامايدى". دەگەنمەن، ءبىر عانا الماتىنىڭ وزىندە وزەك تالدىرىپ جۇرگەن جارتى ميلليونعا جۋىق جاستى جانە ەلىمىزدەگى باسپاناسىز بوسقىندار كوپ تىركەلگەن قالالارداعى جاستاردى ارزان جاتاقجايمەن قامتۋدىڭ جولىن قاراستىرعان ابزال دەپ ەسەپتەيمىز. ءسىز نە دەيسىز؟

قوسىمشا: بۇل "Abai.kz" اقپاراتتىق پورتالىنىڭ باسپاناسىز جاستار جايلى وسىعان دەيىن كوتەرگەن ماسەلەلەرى. وكىنىشكە وراي بۇل ماسەلەلەر كۇنى بۇگىنگە دەيىن شەشەمىن تاپقان جوق.

پەرۋاشەۆ: بۇل يپوتەكا الۋعا مۇمكىندىگى جوق جاستار ءۇشىن ءتيىمدى

پرەزيدەنتتىڭ تاپسىرماسى. پەرۋاشەۆتىڭ ۇسىنىسى. ۇكىمەت ءۇنسىز قالماۋى كەرەك!

باسپاناسىز بوسقىندار ەلىنە ساپار

قاڭعىرىپ جۇرگەن قازاق جاستارىن ساعىنتاەۆ نەگە قولدامادى؟

ۇكىمەتتىڭ جاتاقجايلاردى «نۇرلى جەرگە» ەنگىزبەۋى زاڭعا قايشى

نۇرگەلدى ابدىعانيۇلى

Abai.kz

8 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2288
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2052
ادەبيەت

ءتۇس

ەرعالي باقاش 1736
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2790