يم داعىستانداعى پوليتسياعا شابۋىل جاۋاپكەرشىلىگىن موينىنا الدى
"يسلام مەملەكەتى" تەرروريستىك توبى داعىستاننىڭ كاسپيسك قالاسىنداعى پوليتسياعا جاسالعان شابۋىل جاۋاپكەرشىلىگىن موينىنا الدى. بۇل تۋرالى تەرروريستىك ارەكەتتەردى زەرتتەۋ جونىندەگى SITE Intelligence Group توبى حابارلادى.
شابۋىل سالدارىنان پوليتسيانىڭ ەكى قىزمەتكەرى قازا تاپتى. شابۋىلداۋشىلاردى اتىپ ولتىرگەن. "كاۆكاز.رەالي" (RFE/RL جوباسى) سايتىنىڭ حابارلاۋىنشا، شابۋىل جاسالعان جەردە يم بەلگىلەرى تابىلعان.
دۇيسەنبى كۇنى داعىستاننىڭ حاساۆيۋرت اۋدانىندا وتكەن كونترتەرروريستىك وپەراتسيا كەزىندە قۇقىققورعاۋ ورگانىنىڭ ءبىر قىزمەتكەرى وققا ۇشىپ، تاعى بىرەۋى جارالاندى.
ايماقتاعى سودىرلار پوليتسيا قىزمەتكەرلەرى مەن شەندىلەرگە ءجيى شابۋىلداپ تۇرادى، مۇنداعى كەيبىر سودىرلار "يسلام مەملەكەتىنە" قاتىسى بارىن جاريالاعان.
Abai.kz
