"ابۋ-دابيدەگى" قاقتىعىس. نە بولدى، كىمدەر تۇتقىندالدى؟ شولۋ

ەلوردادا ەل كۇتپەگەن توسىن وقيعا بولدى. ابۋ-دابي پلازانىڭ قۇرىلىس الاڭىندا قازاق پەن ءۇندى جۇمىسشىلارى قاقتىعىسىپ قالدى..

شەتەلدىك جۇمىسشىلار مەن قازاق قۇرىلىسشىلارىنىڭ اراسىنداعى قاقتىعىستى پوليتسيا تىنىشتاندىرعان سوڭ، 8 ادام ءىىب-نا جەتكىزىلگەن دەگەن اقپارات تارادى.

وقيعا 2-قىركۇيەك كۇنى بولعان. قازاقستاندا جۇمىس جاساپ جۇرگەن ءۇندىستان ازاماتتارىنىڭ ءبىرى قۇرىلىس نىسانىنا ماس كۇيىندە كەلگەندىكتەن، كۇزەتشى (قازاق جىگىت) ۇندىستاندىق جىگىتتى ىشكە كىرگىزبەي قويعان. ەسەسىنە ۇندىستاندىق جىگىت قول جۇمساپ، كۇش كورسەتكەن. داۋ وسى جەردەن باستالادى. قازاق كۇزەتشى مەن ءۇندىس قۇرىلىسشىلىنىڭ اراسىنداعى كيكىلجىڭ ءورشىپ، اقىرىندا استانانىڭ ابۋ-دابي پلازا ورنالاسقان بولىگىنە ءبىر توپ بەلسەندى جاستار جينالعان.

توبەلەس كەزىندە 2 ۇندىستاندىق تاياق جەپ، ەمحاناعا جەتكىزىلگەن.

ال جەرگىلىكتى پوليتسيا 41 قازاق جىگىتىن ۇستاعانى تۋرالى دا جازىلۋدا. ولار قوعامدىق ءتىرتىپتى بۇزۋعا تالپىندى دەيدى-مىس.

استانا اكىمى اسەت يسەكەشەۆ قاقتىعىس بولعان جەرگە كەلىپ، دۇرلىككەن جۇرتقا باسۋ ايتتى.

"كۇزەت ۇيىمى مەن شەتەلدىكق قۇرىلىس كومپانياسى قىزمەتكەرلەرىنىڭ اراسىندا كونفليكت بولدى. كەلىسسوزدەر جاسالدى. كەلىسىمگە كەلدىك. ەندى بولعان وقيعاعا قاتىستى شارالار قولدانىلادى. تەك، باسى ارتىق پىكىرلەردى ايتا بەرمەۋ كەرەك. پروۆوكاتسيا مەن جانجالدى ءورشىتىپ الماۋ كەرەك. پروۆوكاتسياعا بەرىلمەۋ كەرەك.", - دەدى استانا اكىمى.

ازىرگە الەۋمەتتىك جەلىلەردە اتالعان قاقتىعىسقا قاتىستى ءتۇرلى سيپاتتاعى بەينە جازبالار جاريا بولىپ جاتىر. سولاردىڭ ءبىر لەگىن نازارلارىڭىزعا ۇسىنامىز. بەيرەسمي مالىمەتتەرگە سۇيەنسەك، جانجالدى توقتاتۋ ءۇشىن وق اتىلعان.