مۇنداي مالىمەت قىركۇيەكتىڭ 1-ءى كۇنى ەل پرەزيدەنتى شاۆكات ميرزياەۆتىڭ وزبەكستان مۇسىلماندارى ءدىني باسقارماسى جەتەكشىلىگى، جەرگىلىكتى بەلسەندىلەر مەن مەملەكەتتىك جانە قوعامدىق ۇيىمدار وكىلدەرىمەن تاشكەنتتەگى حازراتي يمام (حاستيمام) كەشەنىندە وتكەن كەزدەسۋدە ايتىلعان. اتالعان كەشەندە يسلام وركەنيەتى ورتالىعى قۇرىلماقشى.

تاۋەلسىزدىك كۇنى مەيرامىنا بايلانىستى سويلەگەن سوزىندە پرەزيدەنت ميرزياەۆ: ء"بىز بىلمەستىگى مەن ومىرلىك تاجىريبەسىنىڭ جوقتىعىنان دەسترۋكتيۆتى يدەيالار مەن اعىمداردىڭ جەتەگىنە ەرىپ، تۋرا جولدان اداسقانداردىڭ دۇرىس ومىرگە ورالۋىنا ۇلكەن ءمان بەرەمىز. ءبىز ەگەر ونداي ادامداردى "جامان" ساناپ، پەيىل بولمەي، كومەك قولىن سوزبايتىن بولساق، وندا ولار قوعامنان الاستالعان كۇيىندە قالادى دەگەن ءومىر اقيقاتىن ەشقاشان ۇمىتپاۋعا ءتيىسپىز" دەپ مالىمدەگەن.

بيىلعى شىلدەنىڭ سوڭىندا ازاتتىق راديوسى وزبەكستاندا قۇرامىنا جەرگىلىكتى اكىمشىلىك پەن قۇقىق ورگاندارى وكىلدەرى ەنگەن توپتار بيلىكتىڭ باقىلاۋىنداعى ادامداردىڭ ۇيلەرىن ارالاپ، ولارمەن "اڭگىمە وتكىزگەننەن" كەيىن ءتورت مىڭنان اسا مۇسىلمان وزبەكستان كۇشتىك قۇرىلىمداردىڭ "قارا تىزىمىنەن" شىعارىلعانى تۋرالى حابارلاعان بولاتىن.

Abai.kz