كينو جانە تەاتر رەجيسسەرى، حالىق ءارتيسى، عابيت مۇسىرەپوۆ اتىنداعى قازاق  مەملەكەتتىك  اكادەميالىق  بالالار  مەن  جاسوسپىرىمدەر  تەاترىنىڭ  ديرەكتورى ارى كوركەمدىك جەتەكشىسى تالعات تەمەنوۆ مىرزا ينتەرنەت-كونفەرەنتسيا بارىسىندا كەلىپ تۇسكەن ساۋالداردىڭ بارلىعىنا جاۋاپ بەرىپ وتىر. تالعات تەمەنوۆ مىرزانىڭ وقىرمان ساۋالدارىنا بەرگەن جاۋابىن اۋديو نۇسقادا دا تىڭداي الاسىزدار.

- وتكەندە «جەتىنشى» ارناداعى كينو.كz باعدارلاماسىندا بۇل كىسىنى قاتىردى. تۇڭعىشباي دۇرىس ايتتى: "ەگەر قولىنان كەلمەسە، اتىمدى بەر قايتامىن دەپ كەتۋ كەرەك ەدى" دەپ. ال بۇل كىسى بولسا، ءدۇيىم قازاق ەلىن ماسقارا ەتىپ، كينو شىعاردى. بۇل كىسىنىڭ تەماسى ماحاببات، ماحاببات تۋرالى كينولاردى جاقسى شىعارادى.

كينو جانە تەاتر رەجيسسەرى، حالىق ءارتيسى، عابيت مۇسىرەپوۆ اتىنداعى قازاق  مەملەكەتتىك  اكادەميالىق  بالالار  مەن  جاسوسپىرىمدەر  تەاترىنىڭ  ديرەكتورى ارى كوركەمدىك جەتەكشىسى تالعات تەمەنوۆ مىرزا ينتەرنەت-كونفەرەنتسيا بارىسىندا كەلىپ تۇسكەن ساۋالداردىڭ بارلىعىنا جاۋاپ بەرىپ وتىر. تالعات تەمەنوۆ مىرزانىڭ وقىرمان ساۋالدارىنا بەرگەن جاۋابىن اۋديو نۇسقادا دا تىڭداي الاسىزدار.

- وتكەندە «جەتىنشى» ارناداعى كينو.كz باعدارلاماسىندا بۇل كىسىنى قاتىردى. تۇڭعىشباي دۇرىس ايتتى: "ەگەر قولىنان كەلمەسە، اتىمدى بەر قايتامىن دەپ كەتۋ كەرەك ەدى" دەپ. ال بۇل كىسى بولسا، ءدۇيىم قازاق ەلىن ماسقارا ەتىپ، كينو شىعاردى. بۇل كىسىنىڭ تەماسى ماحاببات، ماحاببات تۋرالى كينولاردى جاقسى شىعارادى.

- بىرىنشىدەن، تۇڭعىشبايدى «كوشپەندىلەرگە» شاقىرعان مەنمىن. ەگەر مەن بولماعاندا، قازاق پەرسوناجدار مەن وبرازدار بولمايتىن ەدى، ماسسوۆكادان باسقا جەردە. بارلىعىن امەريكالىق قىلامىز دەگەن دە، مەن قويار دا قويماي وتىرىپ، سول دۇنيەنى قوستىرعانمىن. بىراق، قازاقتا ءسوز بار «قويشى كوپ بولسا، قوي ارام ولەدى» دەگەن. ول جەردە بىزگە باستىق كوپ بولدى. «قازاقستان» ارناسىنا بەرگەن سۇحباتىمدا «ەگەر تاعى وسىنداي ءفيلمنىڭ قوسالقى رەجيسسەرلىگىن بەرسە، باراسىز با؟» دەگەن دە مەن «جوق»  دەپ جاۋاپ بەردىم. ويتكەنى، سول كەزدەگى پسيحولوگيا، باسشىلار ماعان سەنىپ بەرۋدىڭ ورنىنا، قورقىپ بەردى. ولار امەريكادان كەلىپ ءبارىن قاتىرىپ بەرەدى دەپ ويلادى. بۇل قاتە پىكىر ەدى. جانە بۇل «اۋىلداعىنىڭ اۋزى ساسىق»، ءوزىمىزدى ءوزىمىز باعالاماۋ دەگەن ءسوز. «كوشپەندىلەردىڭ» بۇگىنگىدەي بولىپ شىعۋىنا كينو سالاسىندا جۇرگەن مامانداردىڭ ءبارى كىنالى. ەگەر سول كەزدە قاعيدا قابىلداپ، «جوق، بۇل كينونى تەمەنوۆ ءتۇسىرىپ شىعادى» دەگەندە ءبارى باسقاشا بولار ەدى.

«كوشپەندىلەردىڭ» اقشاسى تۋرالى سۇراقتار بار ەكەن. مەن فينپوليتسيادا ىستەمەيمىن. كىمنىڭ نە جەگەنىنە مەنىڭ ەشقانداي قاتىسىم جوق. تەك قانا رەجيسسەر بولدىم. ءتىپتى، كەرەك دەسەڭىز، ماعان پروكاتتان بەرەتىن اقشاسىندا بەرگەن جوق. «كوشپەندىلەردىڭ» قارجىلىق جاعىنا مەنىڭ ەشقانداي ارالاستىعىم دا، حابارىم دا جوق. اكتەرلەردىڭ قانشا الاتىنىندا ايتقان جوق، نەگە دەپ ەدىم، كوممەرتسيالىق قۇپيا دەدى. كىمنىڭ قانشا العانىندا بىلمەيمىن.

- ءسىز تەاتردا ديرەكتورسىز ءارى كوركەمدىك جەتەكشىسىز. ءسىز ەكى ايلىق الىپ وتىرسىز.

- جوق. بىرىنشىدەن، تەاتردىڭ ديرەكتورىمىن. ال، كوركەمدىك جەتەكشىلىككە تولىق ايلىق  بەرمەيدى. ويتكەنى، مەملەكەتتىڭ بۇعان ارنايى بولگەن قارجىسى بار. مەن زاڭ بۇزىپ وتىرعان جوقپىن. ەكى ايلىق المايمىن. ويتكەنى، ءبىزدىڭ زاڭ بويىنشا، ەكى ايلىق الۋعا بولمايدى. مەن قانشاما سپەكتاكل قويدىم. سونىڭ ەشبىرىنە قالاماقى العان جوقپىن.

- قازاق كينوسى تۋرالى پىكىرىڭىز قالاي؟ قازاق كينوسى نەگە كورەرمەننىڭ كوڭىلىنەن شىقپاي وتىر؟ قاي كينو شىقسا دا قازاققا جاقپايتىن سەبەبى نەدە؟ ءوزىڭىز كينو سالاسىنان تەاتر جاعىنا ىعىسقان سياقتىسىز. كينو ونەرىن ساعىنىپ جۇرگەن جوقسىز با؟

- جاقسى دەسەم دە وتىرىك، جامان دەسەم دە وتىرىك. مەن ءوزىم شىققان ورتامدى ءوزىم جاماندايتىن ادام ەمەسپىن. ول - مەنىڭ وسكەن، ونگەن ورتام. سوندىقتان، قازاق كينوسى تۋرالى جامان ايتپايمىن. ال، كوڭىلىمنەن شىقپايتىن سەبەبى، وسى ۋاققا دەيىن قازاقتىق مەنتاليتەتى، ۇلتتىق فيلوسوفياسى، ۇلتتىق ورەسى، ۇلتتىق ءبىلىمى جوق كىلەڭ ويدان، قىردان قاشقان رەجيسسەرلەر كەلىپ، قازاقتىڭ اتىن جامىلىپ كينو ءتۇسىرىپ، «قازاقفيلمنىڭ» اقشاسىن شاشىپ، سول ارقىلى قازاق كورەرمەنىن قازاق كينوسى جوعالتىپ الدى.

كورەرمەنگە ايتارىم، «مەنىڭ كۇنالى پەرىشتەم» دەپ اتالاتىن ءفيلمىمدى ءتۇسىرۋدى اياقتادىم. قازىر مونتاج ۇستىندەمىن. قۇداي بۇيىرتسا، قازاق حالقىنىڭ كوڭىلىنەن شىعاتىن جاقسى، ادەمى كينو سىيلايمىن دەگەن ويىم بار. ويتكەنى، كينونى الدىن-الا كورگەن ساناۋلى عانا ماماندار وتە جوعارى پىكىردە. ستسەناريىن جازعان ءوزىم. كينوتۋىندى قازاق كورەرمەندەرىنىڭ كوڭىلىنەن شىعادى دەپ ويلايمىن. ءتۇسىرۋ جۇمىستارى - قازاقستاندا عانا ەمەس، فرانتسيادا دا ءجۇردى. جانە فرانتسۋز اكتەرى جەرار دەپاردە مەنىڭ كينوما ءتۇستى.

تالعات تەمەنوۆ مىرزانىڭ وقىرماندار ساۋالىنا تولىق نۇسقاسىن تومەندەگى اۋديودان تىڭداي الاسىزدار.