بۇل جيىن جەنەۆالىق كەلىسسوزدەردەن بولەك، بۇۇ-نىڭ قامقورلىعىمەن ءوتىپ جاتىر. قازاقستاننىڭ سىرتقى ىستەر مينيسترلىگى ساراپشىلار رەسەي، يران جانە تۇركيا قارۋلى كۇشتەرىن دەەسكالاتسيا ايماعىنا ورنالاستىرۋدى تالقىلاپ جاتىر دەدى. بۇل كەلىسسوزدەر نەگىزىنەن قاۋىپسىز ايماقتاعى وپەراتسيانى رەتتەۋ جانە ءيدليبتى باقىلاۋ كۇشىن قۇرىلىمداۋعا ارنالعان.

رەسەي وكىلدەرى ماسكەۋ يدليبتە سوعىستى توقتاتۋدى باقىلاۋعا الۋ ءۇشىن اسكەر ورنالاستىرعىسى كەلەتىنىن ايتتى. تاسس اگەنتتىگى دەرەككوزىنە سۇيەنە وتىرىپ، رەسەي مەن اقش استانادا ەكىجاقتى كەلىسسوزدەر وتكىزىپ جاتىر دەپ حابارلادى.

استاناعا رەسەي تاراپىنان سيريا جونىندەگى پرەزيدەنت وكىلى الەكساندر لاۆرەنتەۆ كەلسە، اقش-تان مەملەكەتتىك حاتشىنىڭ تاياۋ شىعىس جونىندەگى كومەكشىسى دەۆيد ساتتەرفيلد كەلگەن. وسىنىڭ الدىندا رەسەيلىك وكىلدەر بۇۇ باس حاتشىسىنىڭ ارنايى ەلشىسى ستاففان دە ميستۋرامەن سويلەسكەن.

Abai.kz