كەشە سىرىم اتامىزدىڭ 275 جىلدىق تويى تۋعان جەرىندە دۇركىرەپ ءوتتى. سالتاناتتى شارالار، ات جارىس، پالۋاندار كۇرەسى، ارقان تارتىس دەيسىز بە ءبəرى بار، əر جەردە جيىلعان حالىق وزىنە كەرەك قىزىقتى تاماشالاپ جاتتى. ايتايىن دەگەنىم ول ەمەس...

ءتۇس كەزىندە قاسىمداعى قوناقتارمەن بىرگە تۋعان اۋىلىم تىككەن كيىز ۇيگە قاراي اياڭدادىم. بارساق ادام لىق تولى. قاشاندا قوناقجاي اۋىل ادامدارى وزدەرى الا شاڭعا كومىلىپ ەسىك الدىندا تۇرىپ قىزمەت ەتىپ، كەلگەن مەيماندارعا قۇرمەت كورسەتۋدە. نە باسىمدى اۋىرتايىن، كەيىن كەلەرمىز دەگەنىمىزگە قاراماي اۋىل əكىمى ءبىزدى دە ىشكە كىرگىزدى. اينالا باس يزەپ امانداسىپ، يشارات ءبىلدىرىپ جاتىرمىز. كوزىم ءتور جاقتا وتىرعان وبلىستىق ءبىر باسقارمانىڭ باسشىسىماعىنا ءتۇستى. ويبۋي، ەندى وتىرىسى پاڭ. ءبəرىن جاپىرىپ جىبەرەردەي. الاتاۋدى ايىرىپ، قاراتاۋدى قايىرىپ كەتەتىندەي زىلدەنىپ، تەڭسەلىپ قويادى. قاسىندا وزىنەن ءبىر مۇشەل، مۇمكىن ەكى مۇشەل ۇلكەن، كوز تانىس اعامىز. اعامىزدىڭ قولىندا اپپاق ورامال. باستىعىنىڭ ماڭدايى تەرلەسە ءسۇرتىپ الۋعا، اۋا جەتپەي كيىز ءۇي ىسىسا جەلپىتىپ جىبەرۋگە دايىن وتىر. ىممەن عانا يەك قاعىپ ەدى، زىپ ەتىپ سومكەسىن əپەردى. شاماسى بيۋروكرات تəتەسى اۋىل شاڭىن مەنسىنبەدى مە، كۇنگە كيەر كوزىلدىرىگىن الىپ كوزىنە باسا كيدى. Əركىم ءسوزىن، تىلەگىن ايتىپ جاتىر.

رەت-رەتىمەن əن ايتىلدى. ءبىر سəتتە əلگى باستىق قارنىنا ەل قوندى ما، باسقا دا اۋىلدار شاقىردى ما، كەتسەم دەپ ىڭعايلانا باستاپ ورنىنان تۇردى. اۋىل əكىمىنىڭ رۇقساتىنان سوڭ سىرتقا بەتتەدى. جالعىز ءوزى شىعىپ ەدى، جانىندا وتىرعان تاعى ءبىر كəرتəمىس جالپىلداعى əلگى ورامالمەن "سۇرتكىشكە" قاراپ ء"جۇر، ءجۇر، باسەكەڭدى شىعارىپ سالامىز" دەگەنى سول ەدى، انا بايعۇس ەسى شىعىپ وماقاسا جۇگىردى. بۇل كورىنىس ەندى مەن عانا ەمەس، جانىمداعى دوسىما دا ىڭعايسىز كورىندى مە، باسىن شايقاپ "مىناۋ əكىم نە مينيستر بولسا انا نە ىستەر ەكەن. ءۇپ-ۇلكەن باستارىمەن انا اعالارىمىزدىكى نە ءجۇرىس؟ بىراق ءومىر وسى عوي..." دەدى.

قايتەسىڭ، ءومىر وسى.

قايران ەساقامنىڭ مىنا ولەڭى وسىنداي سəتتە تۋعان شىعار: