جۇما, 29 ناۋرىز 2024
3849 0 پىكىر 2 قازان, 2017 ساعات 08:52

قىرعىز دەپۋتاتى بيلىكتى باسىپ الماق بولدى دەگەن كۇدىكپەن 48 ساعاتقا قامالدى

قىرعىزستان پارلامەنتىنىڭ دەپۋتاتى قاناتبەك يساەۆ «قىلمىس جاساۋعا دايىندالدى»، «جاپپاي تارتىپسىزدىك ۇيىمداستىرماق بولدى» جانە «بيلىكتى كۇشپەن باسىپ الماق بولدى» دەگەن كۇدىكپەن 48 ساعاتقا قاماۋعا الىنعان. بۇل جونىندە قىرعىزستاننىڭ مەملەكەتتىك ۇلتتىق قاۋىپسىزدىك كوميتەتى حابارلايدى.

زاڭعا سايكەس 48 ساعاتتىڭ ىشىندە ونى ۇستاۋ شاراسى بەلگىلەنەدى. قازىرگى ۋاقىتتا دەپۋتاتتى ارنايى قىزمەتتىڭ تەرگەۋ اباقتىسىنا وتىرعىزعان.

30 قىركۇيەكتە قىرعىزستاننىڭ ۇلتتىق قاۋىپسىزدىك كوميتەتى جوعوركۋ كەڭەش دەپۋتاتى قاناتبەك يساەۆتىڭ جانە ۇيىمداسقان قىلمىستىق توپتىڭ ۇستالعانىن حابارلاپ، ولعارعا قاتىستى باس پروكۋراتۋرا قىلمىستىق ءىس قوزعادى دەپ مالىمدەدى.

«قىلمىستىق ءىستىڭ ماتەريالىندا پرەزيدەنتتىكتەن ۇمىتكەر ومىربەك بابانوۆتىڭ بەلسەندى جاقتاسى قاناتبەك يساەۆ جاپپاي تارتىپسىزدىك ۇيىمداستىرىپ، بيلىكتى باسىپ الۋ ماقساتىندا جاستاردى اقشاعا قىزىقتىرىپ، دايىنداپ، ولاردى سايلاۋ كەزىندە جانە سايلاۋ وتكەننەن كەيىن پايدالانباق بولعان»، - دەلىنگەن قىرعىزستاننىڭ ارنايى قىزمەتى تاراتقان مالىمدەمەدە.

1 قازاندا ومىربەك بابانوۆ بىشكەكتە ءباسپاسوز ءماسليحاتىن وتكىزىپ، ارىپتەسىنىڭ قاماۋعا الۋىنا قاتىستى پىكىرىن ءبىلدىردى. ول مۇنىڭ ارانداتۋ ەكەنىن ايتىپ، ەگەر قانات يساەۆ ءوزىن قولداماعاندا، وندا مۇنداي پروبلەما بولماۋشى ەدى دەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558