سوڭعى كۇندەرى الەمنىڭ نازارىن اۋدارعان اقپاراتتىڭ ءبىرى - WikiLeaks ينتەرنەت-پورتالىنىڭ جاريالاعان قۇپيا ماتەريالدارى بولدى. ونىڭ ىشىندە قازاق بيلىگىنىڭ لاۋازىمدى ۇلىقتارى جايىندا دا ەل ەستىمەگەن اقپارلار بار ەكەنىن بىرقاتار ينتەرنەت باسىلىمدار جازدى دا. بىراق بيلىكتەگى مىرزالار مۇنداي دۇنيەلەردى جاۋاپسىز قالدىرعان. ادەتتە قالدىرىپ قوياتىن. بۇل جولى قازاق بيلىگىنىڭ «ءداستۇرىن» ۇكىمەت باسشىسى كارىم ءماسىموۆتىڭ ءوزى بۇزدى.

WikiLeaks ينتەرنەت-پورتالى جالپاق جۇرتقا ءمالىم قىلعان ماتەريالداردىڭ ىشىندە كارىم ءماسىموۆتىڭ تۇنگى كلۋبتاعى كوڭىلدى ساتتەرى دە ايتىلعان بولاتىن. «ازاتتىق» راديوسى WikiLeaks ينتەرنەت-پورتالىنا سىلتەمە جاساي وتىرىپ: «ماسەلەن، اقش-قا ساپارى بولماي قالعان سوڭ ەكى كۇننەن كەيىن، ناۋرىزدىڭ 7-دە پرەمەر-مينيستر كارىم ءماسىموۆتىڭ استاناداعى بەلگىلى Chocolat دەگەن تۇنگى كلۋبتا بولعانى جازىلعان. وندا تۇنگى ساعات 11.30-دا ءماسىموۆ، پرەزيدەنت اكىمشىلىگىنىڭ باسشىسى بولعان قايرات كەلىمبەتوۆ جانە سول كەزدەگى استانانىڭ اكىمى اسقار مامين ورتا جاستاعى ءۇش ايەلمەن بىرگە تۇنگى كلۋبقا بارعان. وندا ءماسىموۆتىڭ بي الاڭىنا شىعىپ، شارشاماي ۇزاق بيلەگەن»، دەپ جازادى.

سوڭعى كۇندەرى الەمنىڭ نازارىن اۋدارعان اقپاراتتىڭ ءبىرى - WikiLeaks ينتەرنەت-پورتالىنىڭ جاريالاعان قۇپيا ماتەريالدارى بولدى. ونىڭ ىشىندە قازاق بيلىگىنىڭ لاۋازىمدى ۇلىقتارى جايىندا دا ەل ەستىمەگەن اقپارلار بار ەكەنىن بىرقاتار ينتەرنەت باسىلىمدار جازدى دا. بىراق بيلىكتەگى مىرزالار مۇنداي دۇنيەلەردى جاۋاپسىز قالدىرعان. ادەتتە قالدىرىپ قوياتىن. بۇل جولى قازاق بيلىگىنىڭ «ءداستۇرىن» ۇكىمەت باسشىسى كارىم ءماسىموۆتىڭ ءوزى بۇزدى.

WikiLeaks ينتەرنەت-پورتالى جالپاق جۇرتقا ءمالىم قىلعان ماتەريالداردىڭ ىشىندە كارىم ءماسىموۆتىڭ تۇنگى كلۋبتاعى كوڭىلدى ساتتەرى دە ايتىلعان بولاتىن. «ازاتتىق» راديوسى WikiLeaks ينتەرنەت-پورتالىنا سىلتەمە جاساي وتىرىپ: «ماسەلەن، اقش-قا ساپارى بولماي قالعان سوڭ ەكى كۇننەن كەيىن، ناۋرىزدىڭ 7-دە پرەمەر-مينيستر كارىم ءماسىموۆتىڭ استاناداعى بەلگىلى Chocolat دەگەن تۇنگى كلۋبتا بولعانى جازىلعان. وندا تۇنگى ساعات 11.30-دا ءماسىموۆ، پرەزيدەنت اكىمشىلىگىنىڭ باسشىسى بولعان قايرات كەلىمبەتوۆ جانە سول كەزدەگى استانانىڭ اكىمى اسقار مامين ورتا جاستاعى ءۇش ايەلمەن بىرگە تۇنگى كلۋبقا بارعان. وندا ءماسىموۆتىڭ بي الاڭىنا شىعىپ، شارشاماي ۇزاق بيلەگەن»، دەپ جازادى.

مىنە، وسى ارەكەتى جونىندە كارىم ءماسىموۆ ەقىۇ-نىڭ ءسامميتىنىڭ جۇمىسىنان قولى قالت ەتە قالعاندا، قاسىنان تابىلعان شەتەلدىك جۋرناليست سۇراپ قالعان سوڭ: «بىرىنشىدەن، مەن ينتەرنەتتە ايەلىممەن بىرگە ءجۇرمىن. ايەلىممەن بىرگە بيلەۋدى ۇناتامىن. جانە بۇل اقپاراتتى تاراتۋ ءۇشىن ۇلكەن اقشا تولەۋىمە تۋرا كەلەر ەدى. بۇل جولى تەگىن بولدى. مەن بۇعان قۋانىشتىمىن»، - دەپتى ءبىزدىڭ قۇرمەتتى ۇكىمەت باسشىمىز.

ال، كارىم ءماسىموۆتىڭ قاسىندا جۇرگەن جىگىتتەر ازىرگە ءۇنسىز. مۇمكىن باستىقتارى ايتقان سوڭ امالسىز بارعان شىعار...

ءار جاعىن ءوزىڭىز ءبىلىڭىز، وقىرمان.

«اباي-اقپارات»