اۋەلدە ءسوز بولعان… ءىنجىل وسىلاي دەيدى. ءسوزدىڭ قاسيەتى مەن كيەسىن بىلەتىن اعالارىم دا سولاي دەپ ءجۇر. وعان تالاس جوق. ساناسىندا ساۋلەسى بار ءسىرا، تالاسا قويماس.    
«ءسوز تۇزەلدى. تىڭداۋشى سەن دە تۇزەل» دەدى اباي. ءسوزدىڭ تۇزەلگەنى قاشان. تەك سونىڭ قادىرىنە جەتەتىن جوق. بۇ زاماندا ءسوز قادىرىن كىم ۇققان؟ كەشە ونىڭ جىلاعانىن كوردىم. شىنىمەن جىلاپ تۇر… الدەكىم ونى قولىمەن ۇستاپ الماق بوپتى. قولى ۇزىن ەكەن. ىشىنە ءۇڭىلىپ، ۇعا الماعان عوي، قايتسىن. ال، ءسوزدى قولمەن ۇستاۋ مۇمكىن ەمەس! الگى ءسوزدىڭ كيەسىن ۇمىتىپتى. ءسوزدى كىنالادى. ءسوز – تاسىرعا تەك قورەك بولعان ەكەن. ول ءبىر كۇنى ءسوزدى جوعالتۋى مۇمكىن.  شىنىمەن. بىراق ونىڭ قاسىندا… كيەسى قالادى. كيە. كيەدەن قورقۋ كەرەك. كيەگە قالۋ – قاسىرەت، كيەگە قالماۋ – قاسيەت. قورقىپ قانا سوزگە قول سوزۋعا بولمايدى دەيدى ءبىر تاقۋا. دۇرىس شىعار. قورقىنىش، ۇرەي – شىنايى سەنىمگە جول اشپايدى. ال، مەنىڭ ويىم – سۇيە الماعاندار سوزدەن قورىقسا دەيدى. قورىقپاعاننان قورىق!  ولار سەنىمى جوقتاردان قاۋىپتى.
تىرلىكتە ءسوز قادىرىن ۇقپاعاننىڭ رۋحاني جان دۇنيەسى شىن مانىندە سالتانات قۇرا المايدى.  ويتكەنى، وندا قۇدىرەت بار. ءسوز – قۇندىلىق. بويىندا قۇندىلىعى باردىڭ عانا ءسوزى وتەدى. مۇنداي قۇندىلىقتان ادا قالعاننان ەستى ءسوز شىقپايدى.
ءسوزسىز – الەم كۇيرەيدى. ءسوز – قاسيەت. ول جوق جەردە بەرەكە بولمايدى. 

اۋەلدە ءسوز بولعان… ءىنجىل وسىلاي دەيدى. ءسوزدىڭ قاسيەتى مەن كيەسىن بىلەتىن اعالارىم دا سولاي دەپ ءجۇر. وعان تالاس جوق. ساناسىندا ساۋلەسى بار ءسىرا، تالاسا قويماس.    
«ءسوز تۇزەلدى. تىڭداۋشى سەن دە تۇزەل» دەدى اباي. ءسوزدىڭ تۇزەلگەنى قاشان. تەك سونىڭ قادىرىنە جەتەتىن جوق. بۇ زاماندا ءسوز قادىرىن كىم ۇققان؟ كەشە ونىڭ جىلاعانىن كوردىم. شىنىمەن جىلاپ تۇر… الدەكىم ونى قولىمەن ۇستاپ الماق بوپتى. قولى ۇزىن ەكەن. ىشىنە ءۇڭىلىپ، ۇعا الماعان عوي، قايتسىن. ال، ءسوزدى قولمەن ۇستاۋ مۇمكىن ەمەس! الگى ءسوزدىڭ كيەسىن ۇمىتىپتى. ءسوزدى كىنالادى. ءسوز – تاسىرعا تەك قورەك بولعان ەكەن. ول ءبىر كۇنى ءسوزدى جوعالتۋى مۇمكىن.  شىنىمەن. بىراق ونىڭ قاسىندا… كيەسى قالادى. كيە. كيەدەن قورقۋ كەرەك. كيەگە قالۋ – قاسىرەت، كيەگە قالماۋ – قاسيەت. قورقىپ قانا سوزگە قول سوزۋعا بولمايدى دەيدى ءبىر تاقۋا. دۇرىس شىعار. قورقىنىش، ۇرەي – شىنايى سەنىمگە جول اشپايدى. ال، مەنىڭ ويىم – سۇيە الماعاندار سوزدەن قورىقسا دەيدى. قورىقپاعاننان قورىق!  ولار سەنىمى جوقتاردان قاۋىپتى.
تىرلىكتە ءسوز قادىرىن ۇقپاعاننىڭ رۋحاني جان دۇنيەسى شىن مانىندە سالتانات قۇرا المايدى.  ويتكەنى، وندا قۇدىرەت بار. ءسوز – قۇندىلىق. بويىندا قۇندىلىعى باردىڭ عانا ءسوزى وتەدى. مۇنداي قۇندىلىقتان ادا قالعاننان ەستى ءسوز شىقپايدى.
ءسوزسىز – الەم كۇيرەيدى. ءسوز – قاسيەت. ول جوق جەردە بەرەكە بولمايدى. 
ءيا، ءسوزدى ءسۇيۋ كەرەك. سۇيمەگەن – قادىرىن ۇعا الماس، تەرەڭىنە جەتە الماس. ول ءۇشىن وعان دەگەن ماحاببات كەرەك. ونسىز ءسوز قولعا تۇرماس، ۋىسقا سىيماس. ءسوزدىڭ ورنى – جۇرەك. ول تەك جۇرەككە عانا سيار. 
ءبىر كەزدە «باتىس – جالاڭاش، ازيا – ەندى شەشىنە باستادى» دەپ جازعان نەمىس ءپالساپاشىسى نيتسشە وسى سوزدەن ادالىق جايلى ايتقان شىعار بالكىم. شىنىندا دا جۇرەگىندە ءسوزى جوق – جالاڭاش، جاپىراعى جوق اعاشقا ۇقسايدى. 
ءسوز – جالعىز. ءسوز – جەتىم. ول – بار. ونىڭ ىزدەۋشىسى قازىر از. كوبەيەر. ءسوزدى سۇيگەن ىزدەيدى. ولار ءسوزدىڭ جەر بەتىندەگى جاسامپاز قولتاڭباسى ىسپەتتى. ونىڭ تەڭدەسسىز كۇشى جاڭا تۋىندىلاردىڭ دۇنيەگە كەلۋىنە جول اشادى. «تولقىندى تولقىن قۋادى». سەبەبى، ءسوز – كوپىر. ۇرپاق پەن ۇرپاق  اراسىنداعى التىن ءجىپتىڭ تىنىندەي.
الايدا، ءسوز الەمىندە دە كەزدەيسوقتىقتار ويىنى بولا بەرەدى. تەك ول قۇر بەكەرشىلىك قانا بولماق…
كەيدە مەن جانىم قۇلازىپ ءسوزدى ىزدەيمىن. ونىڭ بارىن سەزگىڭ، سەزىنگىڭ كەلەدى. الەمنىڭ ونسىز قۇنى كوك تيىن، ءمانى جوق ەكەنىن ۇعام. قيۋى قاشقان الەمنەن ءسوزدى قۇنانباي بالاسىنىڭ عانا تاڭىرىلىك تۇرعىدا سەزىنگەنىن، شاكارىمنىڭ عانا سوپىلىق كەمەلدىككە قول جەتكىزگەنىن ەسكە اپ جۇبانام.  وندايدا «باس-باسىنا بي بولعان قيقىم» تىرلىكتىڭ ويىنى ادىرەم قالسىن دەيمىن. ايتەۋىر، بىزدەن وتكەن ۇلىلار بيىكتەتىپ كەتكەن ءسوزدىڭ اسا قۋاتتى قۇدىرەتىنىڭ، ادامي ومىرشەڭ ءمان-ماعىنالاردىڭ ولمەيتىنىنە سەنەم. سوعان قۋانام.
«مىنا جارىق دۇنيەدە ەشتەڭە – ماڭگىلىك ەمەس. تەك ەشتەڭە – ماڭگىلىك» دەيدى ءبىر كوكەم. ءسوز شە؟
اۋەلدە ءسوز بولعانى راس. ءسوز – قۇداي. اللانىڭ قاسيەتتى كىتابىنان اقىلدى ءسوز ايتۋ مۇمكىن ەمەس. بىراق وسى جولدارعا باۋىرجان اقىن «ءسوز بولادى سوڭى دا» دەگەن ەستى ولەڭ جولىن قوستى. جالپاق عالامنىڭ جارىعىن جاعىپ، وشىرەتىن دە ءسوز دەگەنى عوي. ويتكەنى، ءسوز – ماڭگىلىك.  ءسوز – اقيقات. سوزگە – اقيقاتقا دەگەن ماحاببات قانا ماڭگىلىك! ءسوز جاساي بەرەدى. جاساسىن ءسوز!