كيەۆتە ساياسي رەفورما ءۇشىن اكتسياسى اياقتالدى
ۋكراينانىڭ جوعارعى راداسى 19 قازاندا دەپۋتاتتىق قول سۇعىلماۋشىلىقتى الىپ تاستاۋدى قارايدى. بۇل ساياسي رەفورما جاساۋدى سۇراعان دەمونسترانتتاردىڭ باستى تالابى بولاتىن. بۇل اكتسيا كيەۆتىڭ 10 ءىرى قالاسىندا ءوتتى.
كيەۆتە پارلامەنت عيماراتى جانىندا بولعان قاقتىعىستا ءتورت ادام زارداپ شەككەن. ونىڭ ىشىندە پوليتسيا قىزمەتكەرى دە بار.
اكتسياعا شىققاندار ءۇش تالاپ قويدى: سايلاۋ رەفورماسى (پارلامەنتتە سايلاۋدى پروپورتسيونالدى جۇيە بويىنشا وتكىزۋ), دەپۋتاتتىق قول سۇعىلماۋشىلىقتى الىپ تاستاۋ جانە انتيكوررۋپتسيالىق سوت قۇرۋ.
ۇيىمداستىرۋشىلار قالا كوشەلەرىنەن بەيبىت تۇردە وتكەنىن ايتادى. الايدا الاڭدا قويىلعان شاتىرلاردىڭ تالاپتارى ورىندالعانشا تۇرا بەرەتىنىن مالىمدەدى.
الاڭعا شىققانداردىڭ سانى تۋرالى مالىمەت ءارتۇرلى: ەكى مىڭنان ءتورت مىڭعا دەيىن. ولاردىڭ ىشىندە ودەسسا وبلىسىنىڭ بۇرىنعى گۋبەرناتورى ميحايل سااكاشۆيلي، سۆوبودا، دەموكراتيالىق اليانس، ۇلتتىق كورپۋس سەكىلدى پارتيانىڭ مۇشەلەرى بار.
Abai.kz
