كوشباسشىمىزدىڭ كورەگەندىلىگى «بولاشاققا باعدار – رۋحاني جاڭعىرۋ» اتتى باعدارلامالىق ماقالاسىن جالپاق جۇرتقا جاريالاعاندا تاعى دا ايقىن كورىندى. بۇل ماقالادا ىشكى رۋحانياتىمىز ارقىلى، سىرتقى وزگەرىستەردى جاقسى قابىلداپ، جاڭعىرۋدىڭ داڭعىل جولىنا تۇسۋگە ەرتەڭگە ەرەكشە دارا جول نۇسقاپ بەردى. ۇشىراسار سان سوقپاقتارعا ۇرىنباي، قالاي ءوتۋ كەرەكتىگىن ايقىنداپ، جوسپارلاپ تىزبەكتەپ بەردى.

بۇل ەلباسىمىزدىڭ ۇتىمدى قاعيداسى، ەلىنە دەگەن ۇندەۋ وسيەتى دەپ تۇسىنگەن ءجون شىعار. ويتكەنى، جىپكە تىزىلگەن مونشاقتاي ەتىپ جاساۋعا ءتيىستى قىرۋار شارۋالارىمىزدىڭ ماڭىزى مەن ءمانىسىن، ونى جۇزەگە اسىرۋدىڭ جولدارىن ايقىنداپ بەرسە، ەكىنشى جاعىنان بۇل وسكەلەڭ ۇرپاققا دەگەن ولمەس ونەگە.

عالامدانۋدىڭ جاhاندىق جۇيەسىنە ەنىپ، ءXXى عاسىردىڭ تالاپتارىنا داعدىلانۋدىڭ قامىنا كىرىسۋ ساپالى تابىستىڭ كىلتى ەكەنىن دە اتاپ ايتتى.

ەلباسىمىز بۇل باعدارلامالىق ماقالاسىندا رۋحاني جاڭعىرۋدىڭ بىرنەشە پرينتسپتەرىن ۇسىندى.

ەلباسىمىزدىڭ ۇلتتىق بىرەگەيلىكتى ساقتاۋعا شاقىراتىن ءۇشىنشى قاعيداسى – جانىمىزعا جاقىن، ولگەنىمىزدى تىرىلتۋگە، وشكەنىمىزدى جاندىرۋعا باعىتتالعان.

ۇلتتىق كود، ياعني حالقىمىزعا ءتان سالت-سانامىز، اسىل مادەنيەتىمىز بۇلاردىڭ بارلىعى بويىمىزدا جالىنداپ، ءۇنى شىرقالىپ تۇرۋىن باسا ايتتى، سوندا عانا العا باسۋلار بولاتىنىن ەسكەرتتى.

وسى ورايدا ءاربىر قازاقستان ازاماتى – ءوز شاما-شارقى، ءوز دەڭگەيىندە وسى باعىتتا ايانباي ەڭبەك ەتەتىن بولسا، ەرتەڭىمىزدىڭ نۇرلى بولاتىنى – اقيقات.

اتا سۇيەگىندەگى قاسيەتى بالا بويىنا قانتامىرلارى ارقىلى اللادان امانات ەتىلسە، وتكەن مەن ەرتەڭنىڭ اراسىنداعى اينىماس بايلانىس ورنايدى. ءبىزدىڭ حالىق بۇل ورايدا ەشقانداي دا ۇلى ۇردىستەن قول ۇزبەگەن حالىق.

مەن، ونەر ادامى رەتىندە رۋحاني جاڭعىرۋدىڭ تىكەلەي مادەنيەت پەن ادەبيەت مايتالماندارىنىڭ ەڭبەگى ارقاسىندا العا جىلجيتىنىن سەنىممەن ايتا الامىن، جانە بۇل ورايدا باعدارلامالىق ماقالاداعى جۇمىستاردىڭ ءبىزدىڭ تاراپتان اتقارىلىپ جاتقاندىعىن دا ايتقىم كەلەدى.

قاي كەزەڭدە دە ۇلتتىق رۋحانيات ەل نازارىنان تىس قالماۋى كەرەك. بۇل ءبىزدىڭ رۋحاني جاڭعىرۋعا جاساعان قادامىمىزعا ىلگەرىلەۋ سىيلايتىن ءۇردىس.

ەندەشە، كوكجيەكتەن اۋىتقىماي، ۇلت كوشباسشىسىنىڭ وسكەلەڭ ۇرپاققا مەڭزەگەن دارا جولىمەن بيىك شىڭداردى باعىندىرۋعا تالپىنايىق.

ءنۇرسات بەيسەقوجاەۆ، وڭتۇستىك قازاقستان وبلىستىق ش.قالداياقوۆ

 اتىنداعى فيلارمونيا ديرەكتورى  

Abai.kz