ەرمەك قارابالا. ماسكەۋدە «ورىس جەلتوقسانى» باستالىپ كەتە جازدادى
بۇگىن، 2010 جىلدىڭ 11 جەلتوقسان كۇنى رەسەي استاناسى ماسكەۋ قالاسىنىڭ قاق ورتاسىندا ءدال كرەملدىڭ تۇبىندە ورىستىڭ شوۆينيستىك كۇشتەرى مەن قۇقىق قورعاۋ ورگاندارى اراسىنداعى بۇرىن-سوڭدى بولماعان قاقتىعىستار ورىن الدى. ورىس جاستارى كەيبىر دەرەكتەر بويىنشا قالا كوشەلەرىنە ون مىڭداي ادام شىعارىپ، رەسەي مەن ماسكەۋ قالاسىنىڭ باسشىلارىنىڭ ۇرەيىن ۇشىردى. ءدال وسى كەزدە رەسەي پرەزيدەنتى قاۋىپسىزدىك كەڭەسىنىڭ جينالىسىن وتكىزىپ، قۇقىق قورعاۋ سالاسىنا قاتىستى ارنايى جارلىققا قول قويدى دەپ جاتىر تاۋەلسىز اقپارات كوزدەرى.
ورىس ۇلتشىلدارىنىڭ باس كوتەرۋىنە سەبەپ - وسىعان دەيىن «سپارتاك» فۋتبول كلۋبىنىڭ جانكۇيەرلەرى مەن كاۆكازدىقتاردىڭ اراسىندا بولعان توبەلەستە ەگور سۆيريدوۆ دەگەن جىگىتتىڭ ءولىمى. ينتەرنەت پەن اقپاراتتىق تەحنولوگيالاردى ۇتىمدى پايدالانعان «ورىس جەلتوقسانىنىڭ» كولەڭكەلى باسشىلارى وسىنداي نارازىلىق اكتسيالارىن سانكت-پەتەربۋرگتە دە ۇيىمداستىرا ءبىلدى.
بۇگىن، 2010 جىلدىڭ 11 جەلتوقسان كۇنى رەسەي استاناسى ماسكەۋ قالاسىنىڭ قاق ورتاسىندا ءدال كرەملدىڭ تۇبىندە ورىستىڭ شوۆينيستىك كۇشتەرى مەن قۇقىق قورعاۋ ورگاندارى اراسىنداعى بۇرىن-سوڭدى بولماعان قاقتىعىستار ورىن الدى. ورىس جاستارى كەيبىر دەرەكتەر بويىنشا قالا كوشەلەرىنە ون مىڭداي ادام شىعارىپ، رەسەي مەن ماسكەۋ قالاسىنىڭ باسشىلارىنىڭ ۇرەيىن ۇشىردى. ءدال وسى كەزدە رەسەي پرەزيدەنتى قاۋىپسىزدىك كەڭەسىنىڭ جينالىسىن وتكىزىپ، قۇقىق قورعاۋ سالاسىنا قاتىستى ارنايى جارلىققا قول قويدى دەپ جاتىر تاۋەلسىز اقپارات كوزدەرى.
ورىس ۇلتشىلدارىنىڭ باس كوتەرۋىنە سەبەپ - وسىعان دەيىن «سپارتاك» فۋتبول كلۋبىنىڭ جانكۇيەرلەرى مەن كاۆكازدىقتاردىڭ اراسىندا بولعان توبەلەستە ەگور سۆيريدوۆ دەگەن جىگىتتىڭ ءولىمى. ينتەرنەت پەن اقپاراتتىق تەحنولوگيالاردى ۇتىمدى پايدالانعان «ورىس جەلتوقسانىنىڭ» كولەڭكەلى باسشىلارى وسىنداي نارازىلىق اكتسيالارىن سانكت-پەتەربۋرگتە دە ۇيىمداستىرا ءبىلدى.
قاقتىعىستاردىڭ ناتيجەسى بويىنشا ەكى استانادا پوليتسيا جۇزگە جۋىق «تەنتەكتەر مەن بۇزاقىلاردى» تۇتقىندادى. پوليتسيادان قاشقان ورىس جاستارى كوشە-كوشەدەگى ورىس ەمەستەردىڭ بارلىعىن سوققىعا جىعىپ، ويىنا كەلگەندەرىن ىستەدى. قاندى قىرعىن ماسكەۋ مەتروسىندا دا جالعاستى دەيدى كوزبەن كورگەندەر. ينتەرنەتتەگى بلوگشىلار ورىس جاستارى وزگە ۇلت وكىلدەرىن توقتاتىپ، قوشاپ، تەپكىلەپ، باستارىنا سەكىرىپ، كەيبىرەۋلەرىن كوپىردەن لاقتىرىپ جاتتى دەپ جازىپ جاتىر. نوبايى اۋرۋحانالارعا رەسمي دەرەكتەر بويىنشا ءارتۇرلى جاراقات العان جۇزدەگەن ازاماتتار اۋرۋحانالرعا ءتۇسىپتى.
