كەشە عانا اقپارات اگەنتتىكتەرى الماتى قالاسىندا جاڭادان سالىنىپ جاتقان كرەستوۆوزنەسەن شىركەۋىنىڭ قۇرىلىسىندا ءبىر قۇرىلىسشى 12 مەتر بيىكتىكتەن قۇلاپ، مەرت بولدى دەگەن اقپاراتتى تاراتتى. امالسىز «ويپىرماي، جىلدان جىلعا ورىستاردىڭ سانى ازايىپ كەلە جاتقاندا، ورىستاردىڭ شىركەۋ سالعانى نەسى؟» دەپ ويلانىپ قالدىم.

مىسالى، جاقىندا عانا جاريالانعان 2009 جىلعى ساناقتىڭ رەسمي دەرەكتەرى بويىنشا الماتى قالاسىنداعى ورىستاردىڭ سانى 452947 ادام نەمەسە قالا تۇرعىندارىنىڭ 33,2 پايىزىن قۇرايدى ەكەن. سول ساناق بويىنشا الماتىداعى حريستيانداردىڭ سانى (كاتوليگىن، پروتەستانتىن قوسقاندا) وسى 33 پايىزدان اسپايتىن كورىنەدى.

كەشە عانا اقپارات اگەنتتىكتەرى الماتى قالاسىندا جاڭادان سالىنىپ جاتقان كرەستوۆوزنەسەن شىركەۋىنىڭ قۇرىلىسىندا ءبىر قۇرىلىسشى 12 مەتر بيىكتىكتەن قۇلاپ، مەرت بولدى دەگەن اقپاراتتى تاراتتى. امالسىز «ويپىرماي، جىلدان جىلعا ورىستاردىڭ سانى ازايىپ كەلە جاتقاندا، ورىستاردىڭ شىركەۋ سالعانى نەسى؟» دەپ ويلانىپ قالدىم.

مىسالى، جاقىندا عانا جاريالانعان 2009 جىلعى ساناقتىڭ رەسمي دەرەكتەرى بويىنشا الماتى قالاسىنداعى ورىستاردىڭ سانى 452947 ادام نەمەسە قالا تۇرعىندارىنىڭ 33,2 پايىزىن قۇرايدى ەكەن. سول ساناق بويىنشا الماتىداعى حريستيانداردىڭ سانى (كاتوليگىن، پروتەستانتىن قوسقاندا) وسى 33 پايىزدان اسپايتىن كورىنەدى.

الماتى قالالىق اكىمدىگىنىڭ ۆەب-سايتىنداعى دەرەكتەرگە سۇيەنسەك، بۇگىنگى تاڭدا «الماتى قالاسىندا 266 ءدىني بىرلەستىك جۇمىس جۇرگىزەدى. ونىڭ 204-ءى الماتى قالاسى ادىلەت دەپارتامەنتىندە زاڭدى تۇلعا رەتىندە مەملەكەتتىك تىركەۋدەن وتكەن، ال قالعان 62 ءدىني بىرلەستىك رەسپۋبليكالىق ستاتۋسى بويىنشا ادىلەت مينيسترلىگىندە تىركەلگەن. 204 ءدىني بىرلەستىكتىڭ 20%-ى يسلام، 5%-ى پراۆوسلاۆ، 0,7%-ى كاتوليكتىك، 68%-ى پروتەستانتتار، 0,7%-ى بۋدديستىك، 1,9%-ى يۋدايستىك ءدىني باعىتتا، 3 %-ى ءداستۇرلى ەمەس ءدىني اعىمدارعا، 0,7%-ى قايىرىمدىلىق قورلارعا تيەسىلى. جالپى، الماتى قالاسىندا تىركەلگەن ءدىني بىرلەستىكتەردىڭ 181-ءى زاڭدى تۇلعا، 23-ءى فيليال رەتىندە مەملەكەتتىك تىركەۋدەن وتكەن. الماتى قالاسىندا 97 ءدىني نىسان قىزمەت جاساۋدا جانە 8 ءدىني وقۋ ورنى بار. 2009 جىلدىڭ 3 توقسانىنا ساي الماتى قالاسىندا ميسسيونەرلىك قىزمەتپەن اينالىسىپ جۇرگەن 80 شەت ەل ازاماتى تىركەلگەن.

ورىس پراۆوسلاۆ شىركەۋىنىڭ استانا جانە الماتى ميتروپولياسىنىڭ سايتىنداعى اقپارات بويىنشا الماتى قالاسىنىڭ شەڭبەرىندە 13 شىركەۋ، 1 ەرلەر موناستىرى، 1 ايەلدەر موناستىرى جانە 1 چاسوۆنيا ورنالاسقان (تولىق دەرەكتەر مىنا جەردە http://orthodox.kz). شىركەۋلەردىڭ باسىم كوپشىلىگى 1996-2008 جىلدارى قاتارعا ەنىپتى. بۇعان الماتىنىڭ توڭىرەگىندەگى شىركەۋلەر مەن عيباداتحانالاردى قوساتىن بولساق ولاردىڭ سانى جۇزدەن ەركىن اسىپ تۇسەدى ەكەن. ورىستار جىلىنا 1-1,5 پايىزعا ازايىپ كەلە جاتسا، ولاردىڭ شىركەۋلەرىنىڭ سانى جىل سايىن ارتىپ كەلەدى! پارادوكس! وسىدان 10-15 جىلدان كەيىن شىركەۋلەرىنە كىم بارادى دەپ ويلاپ ءجۇر ەكەن كيريلدەر مەن الەكساندرلەر؟

ولاردى قويشى، الماتىداعى پروتەستانت شىركەۋلەرىنىڭ ناقتى سانىن تابا الماي قويدىق. اننان-مىننان وتە شىققاندا بايقاپ قالساق تا، قانشا، قايدا دەگەن ناقتى دەرەكتەر جوق. ال بۇلارىڭ بۇكىل ءدىني بىرلەستىكتەردىڭ 68 پايىزىن قۇرايدى! سۇمدىق ەمەس پە؟

وسى ورايدا ايتا كەتۋ كەرەك، http://www.azan.kz/ru/meshs.html سايتىنىڭ حابارىنا سەنسەك، الماتى قالاسىنىڭ شەڭبەرىندە رەسمي تۇردە 31 مەشىت قىزمەت ەتەدى. كۇن سايىن ءوسىپ كەلە جاتقان مۇسىلمان قاۋىمى جۇما ناماز كۇندەرى بۇلاردىڭ ىشتەرىنە سىيماي كەتەتىنىن كورىپ ءجۇرمىز....

«اباي-اقپارات»