قازاق-قىرعىز شەكاراسىندا 600-دەن استام جۇك كولىگى تۇر
قىرعىزستاننىڭ شەكارا قىزمەتىنىڭ مالىمەتىنشە، "اق تىلەك" وتكىزۋ بەكەتىندە 490 جۇك كولىگى، تالاس وبلىسىنداعى «چون-كاپكا» شەكارا بەكەتىندە 162 جۇك كولىگى كەپتەلىپ تۇر. باسقا شەكارا بەكەتتەرىندە ازىرگە كەپتەلىس بايقالمايدى.
10 قازاننان باستاپ قازاقستان شەكارا باقىلاۋىن كۇشەيتتى. بۇل كولىكتەردىڭ ۇزىن-سونار كەپتەلىسىنە اكەلدى. رەسمي استانا مۇنى كونتراباندامەن كۇرەسىپ جاتقانىمەن ءتۇسىندىردى.
وسىعان دەيىن المازبەك اتامباەۆ قازاقستان بيلىگىن ەلدەگى پرەزيدەنت سايلاۋىنا ارالاسىپ وتىر دەپ سىنعا العان.
قىرعىز-قازاق شەكاراسىنداعى جاعداي 17 قاراشادا بۇۇ باس اسسامبلەياسىندا كوتەرىلدى.
Abai.kz
