پاۆلودار وبلىسىنىڭ تىلدەردى دامىتۋ جونىندەگى باسقارماسى قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا جانە  «رۋحاني جاڭعىرۋ» باعدارلاماسىن ىسكە اسىرۋ شەڭبەرىندە 2017 جىلعى  29 قاراشا كۇنى «انا ءتىلى» ورتالىعىندا  مەملەكەتتىك تىلدە ديكتانت جازۋ شاراسىن ۇيىمداستىردى.

ديكتانت جۇمىسىنا قازاق جازۋشىسى مىرجاقىپ دۋلاتوۆتىڭ ادامگەرشىلىك، مەيىرىمدىلىك جانە قايىرىمدىلىق قاسيەتتەردى ناسيحاتتاۋعا ارنالعان «بايلىق» اڭگىمەسى قولدانىلدى.

مەملەكەتتىك تىلدەگى ساۋاتتارىن بايقاۋعا جانە ءبىلىمىن ودان ءارى جەتىلدىرۋگە باعىتتالعان شاراعا ەتنومادەني بىرلەستىكتەرىنىڭ مۇشەلەرى، قازاق ءتىلى كۋرسىنىڭ تىڭداۋشىلارى جانە جاستار قاتىستى.

شارا قاتىسۋشىلارىن قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتاي كەلە، «ءتىل – مەملەكەتتىڭ تۇعىرلى تىرەگى، حالىقتىڭ رۋحاني بايلىعى، سونداي-اق ۇلتتاردىڭ ىنتىماعى مەن بىرلىگىن جاراستىراتىن دا، تاۋەلسىزدىگىمىزدى تۇعىرلى ەتەتىن دە، ەلىمىزدى جاڭا بەلەستەرگە شىعاراتىن دا وسى مەملەكەتتىك ءتىلىمىز» دەپ تۇيىندەدى  ءوز ءسوزىن وبلىس تىلدەردى دامىتۋ جونىندەگى باسقارماسىنىڭ باسشىسى س.وسمانوۆا.

ۇزدىك قاتىسۋشىلار قازاقستان رەسپۋبليكاسى تاۋەلسىزدىك كۇنىنە ارنالعان دوڭگەلەك ۇستەل شاراسىندا ديپلومدارمەن جانە ىنتالاندىرۋ سىيلىقتارىمەن ماراپاتتالاتىن بولادى.

Abai.kz