تاۋەلسىزدىگىمىزگە 19 جىل تولعاندا باسقانى قايدام قاتتى تولقىعان ادام  پرەمەر-مينيستر كارىم ءماسىموۆ بولىپ شىقتى. بىراق قاجىمۇقانۇلىنىڭ قاتتى تولقۋىنا باستى سەبەپ ەلباسىنىڭ قولىنان «ءبىرىنشى پرەزيدەنت» وردەنىن العانى بولسا كەرەك.

اق وردادا «ءبىرىنشى پرەزيدەنت» وردەنىن ومىراۋىنا تاعىپ تۇرىپ ول بىلايشا تاسي سويلەدى:

- نۇرسۇلتان ءابىشۇلى، مەن ءوزىمدى كوڭىل كۇيگە كوپ بەرىلە قويمايتىن اداممىن با دەۋشى ەدىم. بىراق بۇنداي ساتتە تولقىماي قالۋ مۇمكىن ەمەس ەكەن. بۇل اقيقاتقا ەشكىمنىڭ تالاسى بولماسا كەرەك، ءوزىڭىز تۋىن كوتەرگەن قازاقستان مەملەكەتىنىڭ تاۋەلسىزدىك العانىنا 19 جىل تولدى! قازىر ەلىمىزدىڭ كەز كەلگەن ازاماتى «باقىتتىمىن، قازاقستان رەسپۋبليكاسى اتالاتىن ەلدە تۇراتىنىما، باقىتتىمىن،  سونداي ەلدى  كەمەل  باسقارىپ وتىرعان پرەزيدەنتىمنىڭ بارىنا» دەپ  ماقتانىشپەن ايتا الادى،- دەي كەلىپ، ءماسىموۆ ءسوزىن تومەندەگىشە تۇيىندەدى:

- نۇرسۇلتان ءابىشۇلى، مەن بۇنى جاريا تۇردە ايتىپ ءجۇرمىن، تاعى دا قايتالايىن.   مەن ءسىزدىڭ كومەكشىڭىز بولعانمىن، قازىر دە ءسىزدىڭ كومەكشىڭىزبىن جانە ءومىر بويى كومەكشىڭىز بولىپ قالامىن.

پرەمەر-ءمينيستردىڭ  ومىراۋىنا «ءبىرىنشى پرەزيدەنت» وردەنىن تاعار الدىندا ەلباسى

-  2008-2009 جىلدارداعى قارجى داعدارىسى تۇسىندا كارىم قاجىمۇقانۇلى كوپ قاجىر قايرات تانىتتى. ونىڭ ەرەن ەڭبەگىنىڭ ارقاسىندا ەلىمىز داعدارىستىڭ سالقىنىنا بوي الدىرا قويعان جوق،- دەدى.

تاۋەلسىزدىگىمىزگە 19 جىل تولعاندا باسقانى قايدام قاتتى تولقىعان ادام  پرەمەر-مينيستر كارىم ءماسىموۆ بولىپ شىقتى. بىراق قاجىمۇقانۇلىنىڭ قاتتى تولقۋىنا باستى سەبەپ ەلباسىنىڭ قولىنان «ءبىرىنشى پرەزيدەنت» وردەنىن العانى بولسا كەرەك.

اق وردادا «ءبىرىنشى پرەزيدەنت» وردەنىن ومىراۋىنا تاعىپ تۇرىپ ول بىلايشا تاسي سويلەدى:

- نۇرسۇلتان ءابىشۇلى، مەن ءوزىمدى كوڭىل كۇيگە كوپ بەرىلە قويمايتىن اداممىن با دەۋشى ەدىم. بىراق بۇنداي ساتتە تولقىماي قالۋ مۇمكىن ەمەس ەكەن. بۇل اقيقاتقا ەشكىمنىڭ تالاسى بولماسا كەرەك، ءوزىڭىز تۋىن كوتەرگەن قازاقستان مەملەكەتىنىڭ تاۋەلسىزدىك العانىنا 19 جىل تولدى! قازىر ەلىمىزدىڭ كەز كەلگەن ازاماتى «باقىتتىمىن، قازاقستان رەسپۋبليكاسى اتالاتىن ەلدە تۇراتىنىما، باقىتتىمىن،  سونداي ەلدى  كەمەل  باسقارىپ وتىرعان پرەزيدەنتىمنىڭ بارىنا» دەپ  ماقتانىشپەن ايتا الادى،- دەي كەلىپ، ءماسىموۆ ءسوزىن تومەندەگىشە تۇيىندەدى:

- نۇرسۇلتان ءابىشۇلى، مەن بۇنى جاريا تۇردە ايتىپ ءجۇرمىن، تاعى دا قايتالايىن.   مەن ءسىزدىڭ كومەكشىڭىز بولعانمىن، قازىر دە ءسىزدىڭ كومەكشىڭىزبىن جانە ءومىر بويى كومەكشىڭىز بولىپ قالامىن.

پرەمەر-ءمينيستردىڭ  ومىراۋىنا «ءبىرىنشى پرەزيدەنت» وردەنىن تاعار الدىندا ەلباسى

-  2008-2009 جىلدارداعى قارجى داعدارىسى تۇسىندا كارىم قاجىمۇقانۇلى كوپ قاجىر قايرات تانىتتى. ونىڭ ەرەن ەڭبەگىنىڭ ارقاسىندا ەلىمىز داعدارىستىڭ سالقىنىنا بوي الدىرا قويعان جوق،- دەدى.

ءماسىموۆتىڭ ەڭبەگى ەسكەرىلىپ ماراپتتالعان سوڭ ۆيتسە-پرەمەر اسەت يسەكەشەۆ  «قۇرمەت»،   توتەنشە جاعدايلار ءمينسترى ۆلاديمير بوجكو 1-ءشى دارەجەلى «بارىس»،  مادەنيەت ءمينيسترى مۇحتار قۇل-مۇحاممەد «پاراسات» وردەندەرىنىڭ يەگەرلەرى اتاندى.

2-ءشى دارەجەلى «بارىس» وردەنى پرەزيدەنت اكىمشىلىگىنىڭ جەتەكشىسى اسلان مۋسينگە، استانا اكىمى يمانعالي تاسماعامبەتوۆكە، ءماجىلىس توراعاسىنىڭ ورىنباسارى جانىبەك كارىبجانوۆكە تابىس ەتىلدى. «پاراسات» وردەنى پرەزيدەنتتىڭ كەڭەسشىسى ەرمۇحمابەت ەرتىسباەۆ پەن «سامۇرىق-قازىنا» ءال-اۋقات قورىنىڭ توراعاسى قايرات كەلىمبەتوۆكە تابىس ەتىلدى.

P.S.  قازاقستاندا قاندايدا ءبىر قاربالاس اياقتالعان سوڭ كەۋدەسىنە كەزەكتى رەت «سولكەباي تاققان» شەنەۋنىك اتاۋلى قىزمەت اۋىستىرىپ جاتاتىن ءداستۇر بارا ەمەس پە؟ سول ءداستۇردى ەسكە الساق، كارىم ءماسىموۆتىڭ قاتتى تولقۋى جانە ونىڭ ەلباسىنا «سىزگە ءومىر بويى كومەكشى بولىپ قالامىن» دەۋى تەگىن ەمەس سياقتى. سوندا قاجىمۇقانۇلى قايدا بارماق، ەندى قاي قىزمەتتىڭ باسىن شالماق؟ قاي قيىرعا سىلتەسە دە بىزدەگى شەندى شەكپەندىنىڭ ءبارى نازارباەۆتىڭ كومەكشىسى نەمەسە كەڭەسشىسى بولىپ جۇرە بەرەدى عوي. ماسىموۆتە سۇيتەتىن شىعار...

«اباي-اقپارات»