استانا. 17 جەلتوقسان. قازتاگ – ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) باس حاتشىسى مارك پەرەن دە بريشامبوعا «دوستىق» وردەنى تابىس ەتىلدى.

قر ءسىم ءباسپاسوز قىزمەتى حابارلاعانداي، ناگرادانى قازاقستان پرەزيدەنتىنىڭ اتىنان قر سىرتقى ىستەر ءمينيسترىنىڭ ورىنباسارى كونستانتين جيگالوۆ سالتاناتتى جاعدايدا ۆەناداعى  حوفبۋرگ سارايىندا قر تاۋەلسىزدىك كۇنى قۇرمەتىنە جانە قازاقستاننىڭ ەقىۇ-داعى توراعالىعىنىڭ اياقتالۋىنا ارنالعان سالتاناتتى كەشتە تابىس ەتتى.

ەقىۇ-نىڭ ارنايى ەلشىسى، قازاقستان سىرتقى ىستەر ۆيتسە-ءمينيسترى ك. جيگالوۆ ەقىۇ اتقارۋشى قۇرىلىمدارى مەن قاتىسۋشى مەملەكەتتەرىنە قازاقستانعا جىل بويىنا كورسەتكەن قولداۋى ءۇشىن، سونداي-اق ۇيىمنىڭ استاناداعى ءسامميتىنىڭ تابىستى وتۋىنە بەلسەندى ات سالىسقانى ءۇشىن ريزاشىلىعىن تانىتتى.

«ءوزىنىڭ جاۋاپ سوزىندە باس حاتشى قازاقستاندى ەقىۇ-دا تابىستى جانە شىنىمەن دە تاريحي توراعالىعى ءۇشىن قۇتتىقتادى. م.پ.دە بريشامبو وعان تاپسىرىلعان ناگرادا استانا سامميتىنە دايىندىق جانە ونى ەقىۇ-نىڭ ۇلكەن تابىسى ەتىپ وتكىزۋگە ەڭبەك سىڭىرگەندەرگە كورسەتىلگەن قۇرمەت دەپ قابىلدايتىنىنا سەنىم ءبىلدىردى»، - دەپ كورسەتەدى ءسىم ءباسپاسوز قىزمەتى.

كەش قوناقتارىنا قازاقستان ونەر شەبەرلەرىنىڭ كونتسەرتتىك باعدارلاماسى ۇسىنىلدى. وندا حالىق ولەڭدەرىن، قازاقتىڭ جانە ەۋروپالىق اۆتورلاردىڭ كلاسسيكالىق شىعارمالارىن «كەرۋلەن» فولكلورلىق ءانسامبىلى، ارتىستەر ەلميرا جاڭابەرگەنوۆا، ايگۇل ۇلكەنباەۆا، نۇرجانا جانپەيسوۆا، گۇلزيرا بوكەيحان، انەل نۇرسەيتوۆا، مەدەت چوتاباەۆ، جۇلدىز تۇتەباەۆا مەن ايدا ايۋپوۆالار ورىندادى.