تاجىكستان پارلامەنتى ءدىني پارتيالار قۇرۋعا تىيىم سالۋدى زاڭداستىردى
تاجىكستاننىڭ تومەنگى پالاتاسى «تر ءدىني بىرلەستىكتەر جانە ار ەركىندىگى جونىندەگى» زاڭ جوباسىنا وزگەرىستەر ەنگىزىپ، ەلدە ءدىني پارتيا قۇرۋعا رەسمي تىيىم سالۋدى بەكىتتى.
وزگەرىستەرگە سايكەس، ءدىني ءبىلىمدى تەك مەملەكەتتىك وقۋ ورىندارىنان عانا الۋعا رۇقسات بەرىلەدى.
تاجىكستان – ورتالىق ازياداعى ۇزاق ۋاقىت بويى ءدىني پارتيا جۇمىس ىستەپ كەلگەن ءبىر عانا مەملەكەت. تاجىكستانداعى يسلامنىڭ جاڭعىرۋى پارتياسى سوۆەت وداعى قۇلاعانعا دەيىن قۇرىلىپ، 2015 جىلدىڭ كۇزىنە دەيىن جۇمىس ىستەپ كەلدى. پارتيا جەتەكشىلەرىن مەملەكەتتىك توڭكەرىس جاساماق بولدى دەپ ايىپتاپ، پارتيانىڭ جۇمىسىنا تىيىم سالعان.
زاڭ جوباسىنا ەنگىزىلگەن وزگەرىستەرگە سايكەس، جەرگىلىكتى بيلىك نە كاسىپكەرلەرگە جاڭا مەشىتتەردى يەلەنۋگە نە سالۋعا رۇقسات بەرىلمەيدى. سونىمەن بىرگە مەشىتكە تەك يسلام الەمىنە ايگىلى تۇلعالاردىڭ اتتارىن عانا بەرۋگە بولادى.
Abai.kz
