سەنبى, 28 قاڭتار 2023
3440 4 پىكىر 14 جەلتوقسان, 2017 ساعات 10:46

نازارباەۆ باس مۇفتيگە دىندەگى مەملەكەت ءرولى تۋرالى ەسكەرتتى

قازاقستان پرەزيدەنتى نۇرسۇللتان نازارباەۆ استانادا ەلدىڭ باس مۇفتيىمەن كەزدەسىپ، ءدىني قاتىناستاردى رەتتەۋدە مەملەكەتتىڭ ءرولى زور ەكەنىن ايتتى.

مەملەكەت باسشىسى مۇفتيگە دايىندالىپ جاتقان ءدىني قىزمەت تۋرالى زاڭ جوباسىنىڭ نەگىزگى قاعيدالارىن ەلگە ناسيحاتتاۋدى تاپسىردى. ءباسپاسوز قىزمەتىنىڭ حابارلاۋىنشا، سەرىكباي ورازبەن كەزدەسۋدە پرەزيدەنت "ازاماتتاردىڭ ءدىني بوستاندىعىن قامتاماسىز ەتۋ ءۇشىن مەملەكەت قاجەتتىنىڭ ءبارىن جاسادى" دەدى.

قازاقستان كونستيتۋتسيا بويىنشا زايىرلى مەملەكەت ەكەنىن ەسكە سالعان نازارباەۆ ء"داستۇرلى حانافيلىك مازحاب اعىمىنىڭ ءىلىمىن دارىپتەۋ ءۇشىن بىلىكتى يمامداردى" تارتۋ قاجەتتىگىن اتاپ وتكەن.

ء"دىن جولىنداعى ادامداردىڭ اراسىندا جاستار دا بار. مەشىتتەرگە ءسان ءۇشىن باراتىندار دا بار، شالبارىنىڭ بالاقتارىن قىسقارتىپ، ساقال قويعان ءدىندارلار دا بار. سولاردىڭ بارىنە يسلام ءدىنىنىڭ نەگىزىن ءتۇسىندىرۋ كەرەك", - دەدى ول.

بيىل ءساۋىر ايىندا نازارباەۆ قمدق وكىلدەرىمەن كەزدەسۋدە ساقال قويۋ مەن شالبار بالاعىن قىسقارتۋعا زاڭمەن تىيىم سالۋ كەرەك دەگەن ەدى.

Abai.kz

4 پىكىر

ۇزدىك ماتەريالدار

انىق-قانىعى

جاقيانوۆ: ماعان اشىق جالا جابۋعا كىرىستى...

عالىمجان جاقيانوۆ 3121
ايقاي

ەلدە ۇلتتىق يدەولوگيا وتە ءالسىز...

بەيسەنعازى ۇلىقبەك 1907