كيەۆتە سااكاشۆيلي جاقتاستارى مەن پوليتسيا اراسىندا قاقتىعىس بولدى
17 قازاندا ەكس-گرۋزيا پرەزيدەنتى ميحايلا سااكاشۆيلي جەتەكشىلىك ەتەتىن "جاڭا كۇشتەر رۋحى" وپپوزيتسيالىق قوزعالىسىنىڭ بەلسەندىلەرى كيەۆتەگى وكتيابر سارايىن باسىپ كىرمەك بولدى. ولار كەزەكتى رەت ۋكراينا پرەزيدەنتى پەتر پوروشەنكونىڭ يمپيچمەنتىن تالاپ ەتتى.
دەمونسترانتتار وكتيابر سارايىنا نارازىلىق شتابىن قۇرماقشى بولعان. پوليتسيامەن قاقتىعىس كەزىندە زارداپ شەككەندەر بولعان. سااكاشۆيلي وكتيابر سارايىندا بولعان وقيعانى "ارانداتۋشىلىق" دەپ اتادى.
جەلتوقسان ايىندا وسىمەن ءۇشىنشى رەت كيەۆ ورتالىعىندا "يمپيچمەنت مارشى" ءوتىپ جاتىر.
سااكاشۆيلي جاقتاستارى ەل پرەزيدەنتى پەتر پوروشەنكودان بولەك ۋكراينا باس پروكۋرورى يۋري لۋتسەنكونىڭ وتستاۆكاسىن جانە كوررۋپتسياعا قارسى سوت قۇرۋدى تالاپ ەتىپ جاتىر.
تاياۋدا بەلگىلى بولعانداي، سااكاشۆيلي ۋكراينا پرەزيدەنتى پەتر پوروشەنكوعا كەلىسىمگە كەلۋ جونىندە ۇسىنىس بىلدىرگەن. "ازاماتتىق ۇستانىم" پارتياسىنىڭ ليدەرى اناتولي گريتسەنكو بۇل اقپاراتتى راستاپ، سااكاشۆيليدى مۇنداي شەشىمى ءۇشىن ايىپتاماۋىن سۇراعان.
سااكاشۆيليدىڭ قاتىسۋىمەن نارازىلىق اكتسياسى 17 قازاندا باستالعان.
Abai.kz
