الماتىدا بومبا تۋرالى جالعان اقپارات تاراتقان ەر ادام ۇستالدى
الماتىداعى تولە بي مەن بايتۇرسىنوۆ كوشەلەرىنىڭ قيىلىسىنداعى عيماراتتان جارىلعىش زات تابىلمادى. ال جالعان اقپارات تاراتقان 22 جاستاعى وقو تۇرعىنى ۇستالدى. بۇل تۋرالى قالالىق ىشكى ىستەر دەپارتامەنتى حابارلادى.
19 جەلتوقساندا دەپارتامەنتكە بەلگىسىز ادام تەلەفون شالىپ، تولە بي مەن بايتۇرسىنوۆ كوشەسىندەگى كەڭسەلەردىڭ بىرىنە بومبا قويىلعانىن حابارلاعان. عيمارات ايماعى قورشاۋعا الىنعان. ىزدەۋ شارالارىن پوليتسيا جاساعى مەن ارنايى قىزمەتتەر، جەدەل ارەكەت ەتۋ قىزمەتى جۇرگىزگەن.
قازاقستاندا وسىعان دەيىن بومبا قويىلعان تۋرالى قوڭىراۋ شالۋ وقيعالارى بىرنەشە رەت بولعان. بومبا قويىلعان تۋرالى اقپاراتتاردىڭ باسىم بولىگى جالعان بولىپ شىعادى. قازاقستاندا تەرروريزم اكتiسi تۋرالى جالعان حابار تاراتقان ادام قىلمىستىق جاۋاپكەرشىلىككە تارتىلىپ، بەس-التى جىلعا دەيىن باس بوستاندىعىنان ايىرىلادى.
Abai.kz
