جۇما, 29 ناۋرىز 2024
3788 16 پىكىر 21 جەلتوقسان, 2017 ساعات 09:53

قازاقستاندا نازارباەۆ جونىندە كينوەپوپەيا ءتۇسىرۋ جالعاسىپ جاتىر

20 جەلتوقساندا الماتىدا "ەلباسى جولى" كينوەپوپەياسى - قازاقستاندى 1990 جىلعى ساۋىردەن بەرى ۇزبەي باسقارىپ كەلە جاتقان پرەزيدەنت نۇرسۇلتان نازارباەۆتىڭ ءومىرى مەن قىزمەتى تۋرالى كوركەم فيلمدەردىڭ جالعاسىن ءتۇسىرۋدىڭ العاشقى كەزەڭى اياقتالدى.

كەزەكتى ءبولىم "بەيبىتشىلىك كىندىگى" دەپ اتالادى. جاڭا ءبولىم ("ساتايفيلم" كينوستۋدياسىمەن بىرلەسىپ) ءتۇسىرىلىپ جاتقان "قازاقفيلم" كينوستۋدياسى تاراتقان ءباسپاسوز حابارلاماسىندا كارتينا "اقمولانىڭ قاراپايىم قالادان جاس وردا – استاناعا اينالۋى مەن كۇنى بۇگىنگە دەيىنگى كەزەڭى تۋرالى باياندايدى. كارتينادا 1994 جىلى استانانىڭ اقمولاعا اۋىسىپ، استانانىڭ قىسقا مەرزىم ىشىندە كۇن ساناپ دامىپ كەلە جاتقانىن جانە ۇزدىك الەم استانالارى قاتارىنا ەنگەنىن كورسەتەدى" دەپ حابارلانعان.

ەپوپەيانىڭ التىنشى ءبولىمىن قازاقستاندىق بەلگىلى كينورەجيسسەر اقان ساتاەۆ ءتۇسىرىپ جاتىر. فيلم ستسەناريىن تيمۋر جاقسىلىقوۆ (اقان ساتاەۆ ەكەۋى بىرلەسىپ بىرنەشە فيلم شىعارعان) پەن ماسكەۋدەگى كينەماتوگرافيا ينستيتۋتىن 1980 جىلدارى بىتىرگەن ادىلبەك جاقسىبەكوۆ جازعان. جاقسىبەكوۆ قازىر جوعارى لاۋازىمدى شەنەۋنىك – قازاقستان پرەزيدەنتى اكىمشىلىگىنىڭ جەتەكشىسى.

جاڭا بولىمدە نۇرسۇلتان نازارباەۆتىڭ ءرولىن تالدىقورعاننان شاقىرىلعان تەاتر جانە كينو اكتەرى مۇرات احمانوۆ وينايدى. ەپوپەيانىڭ العاشقى ءتورت بولىمىندە نازارباەۆتىڭ ءرولىن نۇرلان ءالىمجانوۆ، بەسىنشى بولىمىندە – بەرىك ايتجانوۆ ويناعان.

قاراشادا "قازاقفيلم" كينوستۋدياسى "بەيبىتشىلىك كىندىگى" فيلمىنە تۇسەتىن اكتەرلەردى "گراند بۋداپەشت" قوناقۇيى» فيلمىندەگى ەڭ ۇزدىك ماكياج ءۇشىن "وسكار" سىيلىعىن، "تەمىر حانىم" فيلمىندەگى ەڭ ۇزدىك ماكياج بەن شاش ۇلگىسى ءۇشىن BAFTA سىيلىعىن العان ۇلىبريتانيالىق سۋرەتشى-ۆيزاجيست مارك كۋلەر گريمدەيدى دەپ حابارلاعان.

قازاقستاندىق اقپارات اگەنتتىكتەرى ۇكىمەت "ەلباسى جولى. بەيبىتشىلىك كىندىگىندە" ءفيلمى تۇسىرىلىمىنە بيۋدجەتتەن 2,3 ميلليارد تەڭگە (قازىرگى ايىرباس باعامى بويىنشا 6,8 ميلليون دوللاردان اسادى) ءبولدى دەپ حابارلاعان.

Abai.kz

16 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606