ەرتەدە بايلىعى تاسقان، وركوكىرەك ءبىر پاتشا ءومىر ءسۇرىپتى. سول كەزدەگى ءداستۇر بويىنشا پاتشانىڭ توسەگىن كۇندە ءبىر كۇڭ سالۋى كەرەك ەكەن.

ءبىر جولى جاس كۇڭدەردىڭ ءبىرى الگى پاتشانىڭ توسەگىن سالىپ بولىپ، قاتتى قىزىعۋشىلىعى ارتىپ، پاتشانىڭ توسەگىنە جاتىپ كورمەك بولادى. "پاتشا كەلسە اتىپ تۇرارمىن" دەگەن كۇڭ جاتقان بويى ۇيىقتاپ كەتەدى. جاتىن بولمەسىنە كەلگەن پاتشا توسەگىندە ۇيىقتاپ جاتقان كۇڭدى كورىپ قاتتى اشۋلانادى.

ال ۇيقىسىنان ويانعان كۇڭ كۇلىپ تۇرادى. تاڭىرقاعان پاتشا: "نەمەنەڭە جەءتىسىپ كۇلەسىڭ؟" دەسە، كۇڭ: "الديار تاقسىر، مەن توسەگىڭىزگە ءبىر رەت جاتىپ كورەيىنشى دەپ سونشا تاياق جەپ جاتىرمىن. ال ءسىز بۇل مامىق توسەكتە كۇندە ۇيىقتايسىز. اللا تاعالا ءسىزدى جاۋاپقا تارتسا قالاي جاۋاپ بەرەر ەكەنسىز. تاياق جەۋدىڭ كوكەسى سوندا بولار-اۋ دەگەن وي كەلدى" دەپ جاۋاپ بەرەدى. ونى ەستىگەن پاتشا يبراھيم يبن ءادحام قاتتى ويلانىپ، سوڭىندا تاقۋالىققا بەت بۇرىپتى دەسەدى...