جۇما, 29 ناۋرىز 2024
وسى عوي ەندى... 7947 15 پىكىر 8 قاڭتار, 2018 ساعات 13:24

رۋشىلدىق دەرتى كەرەي مەن جانىبەكتى ەلەۋسىز قالدىرماق پا؟

كەشە تالدىقورعاندا قالالىق وناماستيكا كوميسسياسىنىڭ وتىرىسى ءوتتى. نەگىزگى ماسەلە - جالايىر قادىرعالي اتىن تالدىقورعان قالاسىنا الماتى جاقتان كەلىپ كىرەتىن كوشەگە بەرۋ. تاڭدانباڭىز، تاپ سولاي. جينالىسقا بىرنەشە جالايىردىڭ ارنايى دايىندالىپ كەلگەنى، كوميسسيانىڭ جۇمىسىنا بارىنشا قىسىم جاسالاتىنى ءاۋ دەگەننەن كورىندى. قالا باسشىلىعى مەن وبلىس اكىمىنىڭ ورىنباسارىن ەرىك بەرمەۋگە، سويلەتپەۋگە تىرىستى.

مىنە، تالدىقورعانداعى ءترايباليزمنىڭ بۇگىنگى كورىنىسى. وتكەن جىلى قالانىڭ ءبىر توپ اقساقالدارى  تالدىقورعانعا الماتى جاقتان كەلىپ كىرەتىن وسى داۋلى كوشەنى قازاق مەملەكەتىنىڭ العاشقى حاندارى، قازاق مەملەكەتىن قۇرعان كەرەي جانە جانىبەك حاندار اتىمەن اتاۋ جونىندە وبلىس اكىمىنە حات جازعان ەدى. وكىنىشتىسى، وبلىس اكىمى تاراپىنان تىرس ەتىپ ءۇن شىققان جوق.

قازاقتىڭ العاشقى شاڭىراعىن، ۇلتتىق رۋحىن كوتەرگەن حانداردى ماقتان ەتكىسى كەلگەن اقساقالداردى قولدار ادام تابىلماي تۇر. رۋلىق دەڭگەيدەن اسا الماي، جالايىرلىق ساتىدا قالعان از توپقا دا «مىنالارىڭ نە؟» دەيتىن ادام تابىلمادى.

جينالىستان ەكى ويلى شىقتىق. كەرەي مەن جانىبەك حانداردىڭ اتى اتالعان سوڭ، كوشە اتاۋى سولارعا بەرىلسىن دەگەن سوڭ، ءتۇبىن كوك تۇرىكتەن الاتىن، ءوزىن قازاقپىن دەپ سانايتىن ءار ازامات قوس قولىن كوتەرۋگە مىندەتتى ەمەس پە؟ ەكى حاننان اسقان كىم بار قازاقتا؟ استاناداعى كەرەي مەن جانىبەك حاندارعا ەسكەرتكىش ورناتۋعا ەلباسىمىز نۇرسۇلتان ءابىشۇلى ءوزى باس بولعانىن، قالانىڭ قاق ورتاسىنا كوشە اتاتقانىن وتكەن جىلى وقىدىق. پرەزيدەنتىمىزدەن ۇلگى الا الماساق كىم بولدىق؟ جالايىرلاردىڭ مۇنىسى نەسى؟ كەرەي مەن جانىبەككە سۇرالعان كوشەگە نەگە جابىسا قالدى؟ تالدىقورعاندا ەسكەرتكىشى بار جالايىر قىدىرعالي سەكىلدى تۇلعاعا باسقا كوشە تابىلار ەدى عوي.

كەلەسى نارسە، تالدىقورعان قالاسىندا قازاق مەملەكەتىنىڭ سوڭعى حانى كەنسارىعا ارنالعان ءبىر اتاۋ كەزدەسپەيدى. بۇل دا وتكەن جىلى ارناۋلى ءسوز بولعان. وعان دا نە وبلىس، نە قالا اكىمى جاۋاپ قاتپادى.

بۇل تالدىقورعاندى رۋشىلدىق دەرتىڭ جايلاي باستاعانىن كورسەتپەي مە؟

جەمىسبەك امىرەنوۆ

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610