ازاتلىك راديوسىنا داشوعىز وبلىسىنداعى دەرەككوزدىڭ حابارلاۋىنشا، ەكونوميكالىق قىلمىستارمەن كۇرەس جونىندەگى قىزمەت وبلىستا ارنايى قىزمەتتىڭ بىرنەشە وفيتسەرىن جەمقورلىق جاسادى، ەسىرتكى ساتۋشىلارعا قامقورلىق جاسادى دەپ ايىپتاعان.

حابارلارعا قاراعاندا، اشحابادتىڭ كوپەتداگ اۋدانى سالىق ينسپەكتسياسىنىڭ بىرنەشە قىزمەتكەرى جانە باستىعى ۇستالعان. "سالىق ينسپەكتسياسى باستىعىن اسا ءىرى كولەمدە پارا الدى دەپ ايىپتادى", - دەپ حابارلادى ازاتلىك دەرەككوزى.

2017 جىلى قازان ايىنىڭ سوڭىندا تۇركىمەنستان پرەزيدەنتى مەملەكەتتىك قاۋىپسىزدىك كەڭەسىنىڭ وتىرىسىندا مەملەكەتتىك اپپاراتتاعى جەمقورلىقپەن كۇرەس جونىندەگى شارالاردىڭ ورىندالۋىن تالاپ ەتكەن. بۇنىڭ الدىندا بىرنەشە سۋديا مەن پروكۋرور قىزمەتتەرىنەن بوساتىلىپ، پاراقورلىق ايىبى بويىنشا ۇستالعان ەدى.

Abai.kz