№1 تەرگەۋ اباقتىسى قىزمەتكەرلەرىنىڭ سوزدەرىنە قاراعاندا، قازىر وندا 20 باقىلاۋشى قالعان. تۇتقىندارعا ازىق-تۇلىك، كيىم-كەشەك قابىلداۋ توقتاتىلعان. "15 قاڭتاردان باستاپ تۇتقىنداردى زەڭگى اتا اۋدانىنداعى جاڭا اباقتىعا كوشىرىپ جاتىر",- دەپ حابارلايدى دەرەككوز.

تاشتۇرمەنىڭ تۇتقىنداردى ۇستايتىن ءتورت كورپۋسى بولعان. باقىلاۋشىلاردىڭ ايتۋىنشا، بۇل اباقتىدا سوڭعى كەزدە 2,5 مىڭ ادام جازاسىن وتەگەن.

«جاڭا تۇرمەدە سەگىز كورپۋس بار. بارلىق بولمەلەرى جاڭا قۇرىلعىلارمەن جابدىقتالعان. تۇرمە اۋماعى ارقىلى تەمىر جول جەلىسى وتەدى. تۇتقىنداردى سول جەردەن باسقا اباقتىعا كوشىرۋ مۇمكىندىگى دە زور»، – دەيدى باقىلاۋشىنىڭ ءبىرى.

2015 جىلدىڭ شىلدە ايىندا بۇۇ وتىرىسىندا وزبەكستانداعى ادام قۇقىقتارى ماسەلەسى تالقىلانىپ جاتقان كەزدە، رەسمي وزبەك دەلەگاتسياسى ورتالىق ازياداعى ەڭ ۇلكەن، حالىقارالىق تالاپتارعا ساي كەلەتىن زاماناۋي تۇرمە سالىنىپ جاتقانىن ايتىپ، ماقتانعان.

جاڭا اباقتى تاشكەنت وبلىسىنىڭ زەڭگى اتا اۋدانىندا ورنالاسقان.

وسىعان دەيىن تاشتۇرمەنىڭ جاعدايى وتە ناشار دەپ، سىن ايتىلىپ كەلگەن.

Abai.kz