بەيسەنبى, 28 ناۋرىز 2024
ماسقارا! 6798 29 پىكىر 25 قاڭتار, 2018 ساعات 08:53

فرانتسۋزدار ورىس ءتىلىن ۇيرەنۋ ءۇشىن قازاقستانعا كەلىپ جاتىر

«ۆرەميا» گازەتىنىڭ كەشەگى كۇنگى سانىندا قۋانا حابارلاۋىنا قاراعاندا سوناۋ فرانتسيا ەلىنىڭ سەن-سير-ل ەكول دەپ تالاتىن اسكەري ليتسەيىنىڭ وقۋشىلارى مەكتەپتەر الماسۋى اتتى باعدارلاماسىنىڭ شەڭبەرىندە الماتىنىڭ وقۋ ورىندارىنا ارنايى ات باسىن بۇرىپتى. سونداعى ماقساتى نە دەيسىزدەر عوي؟ بۇل ەشبىر ەگەمەن ەلدىڭ تاريحىندا بولمايتىن سوراقى جاعداي دەسەم، ساياسي قاتەلەسە قويماسپىن.

فرانتسۋز وقۋشىلارى مۇندا ورىس ءتىلى مەن تاريحىن ۇيرەنۋگە نيەت ەتىپتى. كونستيتۋتسيادا جازىلعان مەملەكەتتىك ءتىلدى ەمەس، رەسمي  عانا اتاعى بار تىلگە قۇمارتىپتى. بۇل ءسىرا ولاردىڭ ءبىزدىڭ ەلدە قاي ءتىلدىڭ ۇستەم ەكەندىگىن انىق بىلگەندىگىن كورەسەتەدى. سوندىقتان دا شىعار، بۇلاردىڭ ءوزىمىز مەملەكەتتىك مارتەبە بەردىك دەگەن تىلىمىزگە مۇرىن شۇيىرە قاراعاندىعى. جارايدى، وزگە ەلدىڭ قوناقتارىنا نە كىنا؟ بۇلاردى وسىندا كەلىپ، كورشى ەلىمىزدىڭ ءتىلى مەن تاريحىن قۇمارتا وقۋىنا كىم جول بەرگەن؟ قاي مينيسترلىك كونستيتۋتسيامىزدى اياققا باسىپ وتىر؟ ارنايى شاقىرعان قاي شەنەۋنىك باسقارعان مەكەمە؟ وسىعان جاۋاپ بەرەتىن ورگاندار بار ما؟

الدە ەلىمىز اشىق-شاشىق جاتقان، كىم بولسا سول، كەز-كەلگەن كۇماندى ماقساتپەن كىرە بەرەتىن ورىسشا ايتقاندا «پروحودنوي دۆور ما؟» اۋ، ورىس ءتىلى مەن تاريحىن بىلگىسى كەلسە  سونىڭ تاريحي وتانى رەسەيگە نەگە  بارمايدى؟ ماسەلەن، ايتالىق، سول فرانتسۋزدار كورشىسى يتالياندارعا  بارىپ «سىزدەرگە كەلىپ، يتاليان ءتىلىن ەمەس، اعىلشىنشا ۇيرەنەيىك دەپ ەدىك» دەسە نە دەر ەدى؟ ەسىكتەن دە سىعالاتپاس ەدى.

ال، ءبىز بولساق؟ «قور بولعان قايران قازاق ءتىلى-اي» دەپ، ىشتەي تىنعاننان باسقا نە  دەيىك. ايتپاقشى، الگى گازەتتىڭ وسى ماقالاسىنىڭ «ميلوستي پروسيم» دەگەن تاقىرىبىنىڭ ءوزى كوپ نارسەدەن حاباردار ەتىپ تۇرسا كەرەك. جالپى، ءبىزدىڭ سول گازەتتىڭ تىلشىلەرىنە جالپى ەلىمىزگە ابىروي اپەرمەيتىن، قايتا بەدەلىن تۇسىرەتىن ماسەلەگە كوڭىل اۋدارعاندىعىنا العىستان باسقا ايتارىمىز جوق.

جايبەرگەن بولاتوۆ، قوستاناي

Abai.kz

29 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3512