“تۇرىك مادەنيەتى جاستاردىڭ ساناسىنا دەندەپ ەندى، قازىر مەكتەپ وقۋشىلارى ءوزارا تۇرىك تىلىندە سويلەيتىن بولعان", - دەدى ازاتلىك راديوسىنىڭ داشوعىز وبلىسىنداعى دەرەككوزى.

سونىمەن بىرگە لەباپ، مارى جانە احال ءۋالاياتتارىندا جەرگىلىكتى تۇرعىندار تۇرىكشە سويلەسەدى.

"مەن ءبىر ايەلدىڭ بالاسىمەن تۇرىكشە سويلەسىپ جۇرگەنىن كوردىم. ولاردىڭ تۇرىكشەسى وتە جاقسى. مارى تۇرعىندارى ەكىاۋىز تىلدە تۇرىك سوزدەرىن ءجيى قولدانادى".

تىلدەرى ۇقساس بولعاندىقتان تۇركىمەنستاندا تۇرىك تەلەارنالارىن كوپ كورەدى.

ونىڭ ۇستىنە مەملەكەتتىك تولىق باقىلاۋىنداعى تۇركىمەن تەلەارنالارىن حالىق قىزىعىپ كورمەيدى. مۇندا كوبىنە بيلىكتىڭ جەتىستىكتەرى، مەملەكەت باسشىسىن ماداقتاۋ باسىم. جەرگىلىكتى تەلەارنالار تۇرعىنداردىڭ كۇردەلى ماسەلەلەرىن كورسەتپەيدى.

Abai.kz