"ۋچيليششە ديرەكتورى كەندجا يبروحيموۆ قول قويعان بۇيرىقتا "ۇلت ليدەرىنىڭ تەلەديداردان كورسەتكەن جولداۋىن ۋچيليششەنىڭ اكت زالىندا تىڭداۋدان باس تارتقانى ءۇشىن جۇمىستان شىعارۋ" دەپ جازىلعان", - دەدى 14 اقپاندا سايدا رۋستاموۆا.

"شىن مانىندە ولاي ەمەس. مەن اكت زالىنا كىرگەندە، وندا بوس ورىن بولمادى. ادەيى جاساعان جوقپىن، جولداۋدى تىڭداۋعا مۇمكىندىك بولعان جوق".

تاجىكستان پرەزيدەنتى ەمومالي راحمون وتكەن جىلى 22 جەلتوقساندا جىل سايىنعى جولداۋىن جاريالادى. "مەنى جۇمىستان شىعارعانىنا كەلىسپەيمىن، سول سەبەپتى پرەزيدەنت اكىمشىلىگىنە جانە مادەنيەت مينيسترلىگىنە ارىزداندىم. جاۋاپ كۇتىپ ءجۇرمىن", - دەيدى رۋستاموۆا.

ۋچيليششە ديرەكتورى كونتسەرتمەيستەردى جۇمىستاعى كەمشىلىگى ءۇشىن شىعاردىق دەپ وتىر. "ول باسشىلىقتىڭ نۇسقاۋىن ورىندامادى، دورەكى سويلەدى. قىزمەتكەر ىشكى تارتىپكە باعىنباي، باسشىلىققا دورەكى سويلەيتىن بولسا، ونى جۇمىستان شىعارادى... مەن ونىڭ ارىزدانعانىن ەستىدىم. ارانداتۋشى عانا وسىلاي جاسايدى", - دەدى كەندجا يبروحيموۆ.

تاجىكستاننىڭ مادەنيەت مينيسترلىگى بي مۇعالىمىنىڭ ارىزىن العانىن راستادى.

Abai.kz