كۋاگەرلەردىڭ سوزدەرىنە قاراعاندا، ءبىر توپ ادام ەسەكتەردى اۋىل شەتىندەگى فەرمادا باۋىزداماق بولعان.

ء"بىزدىڭ اۋىلدا ەشكىم ەسەك ۇستامايدى. تۇندە ءادىلباي فەرماسىنان اقىرعان ەسەكتەردىڭ داۋسىن ەستىگەن حالىق ۋچاسكە ينسپەكتورىنا تەلەفون سوققان. ولار فەرماعا كەلگەنشە، ءۇش ەسەكتىڭ تەرىسىن سىپىرىپ ۇلگەرگەن", - دەدى اۋىل تۇرعىنى.

اۋداندىق ىشكى ىستەر باسقارماسىنىڭ قىزمەتكەرى بولعان وقيعانى راستادى.

"كەلەسى كۇنى مەنى سول اۋىلعا شاقىرتىپ الدى. ەسەكتەردى باۋىزداعانداردى ميليتسيا بولىمىنە الىپ بارىپتى. ولار بيرلاشگان اۋىلىنىڭ تۇرعىندارى ەكەن. بۇل توپ بۇعان دەيىن دە ەسەكتەردى باۋىزداۋمەن اينالىسقان كورىنەدى", - دەدى ول.

كاسىپكەر ءادىلباي نازاروۆ فەرماسىن تانىسىنا بەرگەنىن مويىندادى. "مەنىڭ فەرمام بوس تۇر. تانىس كاسىپكەر وندا ەسەك ۇستاي تۇرۋىن سۇراعان. مەن قارسى بولمادىم. ءبىراز ۋاقىتتان سوڭ مەنى ميليتسيا شاقىرتتى. بۇلاي بولاتىنىن بىلمەگەنىمدى ايتتىم", - دەپ اقتالدى نازاروۆ.

Abai.kz