جۇما, 29 ناۋرىز 2024
4009 0 پىكىر 5 ناۋرىز, 2018 ساعات 09:16

19 جىل تۇرمەدە وتىرعان وزبەك ءجۋرناليسى يۋسۋف رۋزيمۋرودوۆ بوستاندىققا شىقتى

54 جاستاعى «ەرك» وپپوزيتسيالىق پارتيانىڭ بەلسەندىسى جانە جۋرناليست يۋسۋف رۋزيمۋرودوۆ شىرشىق قالاسىنداعى 64/6 اباقتىسىنان بوساتىلعان. ونىڭ بوساتۋ تۋرالى شەشىمدى 22 اقپاندا تاشكەنت وبلىستىق بوستانلىك اۋداندىق قىلمىستىق ىستەر بويىنشا سوت شىعارعان. بىراق بۇل اقپارات ەندى عانا جاريالانىپ وتىر.

"1999 جىلى سوتتالعان جۋرناليست مەرزىمىنەن بۇرىن شارتتى بوستاندىققا شىقتى. تۋىستارىنىڭ ايتۋىنشا، ول ءوزىن جاقسى سەزىنەدى", - دەپ حابارلادى قۇقىق قورعاۋشى يسمايل اديلوۆ.

قۇقىق قورعاۋشىنىڭ ايتۋىنشا، يۋسۋف رۋزيمۋرودوۆ قازىر قاشقاداريا وبلىسىنداعى جەينوۆ اۋىلىنداعى ءوزىنىڭ ۇيىندە.

يۋسۋف روزيمۋرودوۆ وزبەكستاننىڭ "ەرك" دەموكراتيالىق پارتياسىنىڭ بەلسەندى مۇشەسى بولعان جانە وسى اتتاس پارتيا باسىلىمىنا ماقالالار جازىپ تۇرعان. 1999 جىلى اقپاندا تاشكەنتتە بولعان جارىلىستاردى سول كەزدەگى پرەزيدەنت يسلام كاريموۆتىڭ "ومىرىنە جاسالعان قاستاندىق" دەپ باعالاعان وزبەكستان قۇقىق ورگاندارى وپپوزيتسيا بەلسەندىلەرىن دە قۋدالاي باستاعاننان كەيىن ۋكرايناعا كەتىپ قالعان روزيمۋرودوۆ سول ەلدەن باسپانا الماقشى بولعان. بىراق كيەۆ ونى تاشكەنتتىڭ سۇراۋى بويىنشا وزبەكستانعا ەكستراديتسيالاعان.

1999 جىلى 18 تامىزدا سوت ونى "وزبەكستان پرەزيدەنتىنە قاستاندىق جاساۋ", "كونستيتۋتسيالىق قۇرىلىسقا قاستاندىق جاساۋ", "تىيىم سالىنعان قوعامدىق جانە ءدىني ۇيىمدارعا مۇشە بولۋ" جانە "قىلمىستىق قاۋىم ۇيىمداستىرۋ" ايىپتارى بويىنشا كىنالى دەپ تانىپ، 15 جىلعا باس بوستاندىعىنان ايىرۋعا ۇكىم ەتكەن. كەيىن تۇرمەدە ونىڭ قاماۋ مەرزىمىن تاعى دا ۇزارتقان.

قۇقىق قورعاۋشىلار يۋسۋف روزيمۋرودوۆتىڭ تۇرمەدە ازاپتالعانىن ايتىپ، وزبەكستان بيلىگىنەن ونى بوساتۋدى تالاپ ەتكەن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3566