جەكسەنبى, 24 ماۋسىم 2018
624 1 پىكىر 13 ناۋرىز, 2018 ساعات 08:37

وزبەكستاندا بۇرىنعى تۇرمە قاراۋشىسى ۇستالدى

تاشكەنتتە 9 ناۋرىزدا وزبەكستان ءىىم باس جازالاۋدى ورىنداۋ باسقارماسىنىڭ بۇرىنعى باسشىسى، ميليتسيا پولكوۆنيگى ابدۋكاريم شوديەۆ ۇستالدى.

بۇل تۋرالى 12 ناۋرىزدا وزودليك راديوسىنا وزبەكستان تاۋەلسىز قۇقىققورعاۋشىلار باستاماشىل توبىنىڭ جەتەكشىسى سۋرات يكراموۆ حابارلادى.

56 جاستاعى شوديەۆكە "بيلىكتى اسىرا پايدالانۋ" جانە "كىناسىزدى جاۋاپقا تارتۋ" قىلمىستارى بويىنشا ايىپ تاعىلعان.

شوديەۆ 1999-2018 جىلدار ارالىعىندا باس جازالاۋدى ورىنداۋ باسقارماسىن باسقاردى. ۇستالار الدىن وزبەكستان ءىىم اكادەمياسىندا ۇستاز بولىپ ىستەگەن.

2003 جىلى بۇۇ-نىڭ ازاپتاۋ ماسەلەلەرى جونىندەگى ارنايى بايانداماشىسى تەو ۆان بوۆەن وزبەكستاندا ازاپتاۋ جۇيەلى تۇردە جۇرگىزىلىپ كەلەدى دەپ مالىمدەگەن.

Abai.kz

1 پىكىر